- سونے کی قیمتوں میں معمولی اضافہ
- عمران خان، بشریٰ بی بی کو ریاستی اداروں کیخلاف بیان بازی سے روک دیا گیا
- ویمنز ٹیم کی سابق کپتان بسمہ معروف نے ریٹائرمنٹ کا اعلان کردیا
- امریکی یونیورسٹیز میں ہونے والے مظاہروں پر اسرائیلی وزیراعظم کی چیخیں نکل گئیں
- پولیس یونیفارم پہننے پر مریم نواز کیخلاف کارروائی ہونی چاہیے، یاسمین راشد
- قصور ویڈیو اسکینڈل میں سزا پانے والے 2 ملزمان بری کردیے گئے
- سپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا
- مرغی کی قیمت میں کمی کیلیے اقدامات کر رہے ہیں، وزیر خوراک پنجاب
- عوام کو کچھ نہیں مل رہا، سارا پیسہ سرکاری تنخواہوں میں دیتے رہیں گے؟ چیف جسٹس
- وزیراعلیٰ بننے کیلئے خود کو ثابت کرنا پڑا، آگ کے دریا سے گزر کر پہنچی ہوں، مریم نواز
- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
- قومی اسمبلی کمیٹیاں؛ حکومت اور اپوزیشن میں پاور شیئرنگ کا فریم ورک تیار
- ٹرین میں تاریں کاٹ کر تانبہ چوری کرنے والا شخص پکڑا گیا
- غزہ کے اسپتالوں میں اجتماعی قبریں، امریکا نے اسرائیل سے جواب طلب کرلیا
- وزارتِ صنعت و پیداوار نے یوریا کھاد درآمد کرنے کی سفارش کردی
- ٹی20 ورلڈکپ؛ 8 بار کے اولمپک گولڈ میڈلسٹ یوسین بولٹ سفیر نامزد
- کہوٹہ؛ بس میں ڈکیتی کے دوران ڈاکو کی فائرنگ سے سرکاری اہلکار جاں بحق
- نوجوان نسل قوم کا سرمایہ
- اسلام آباد میں روٹی کی قیمت میں کمی کا نوٹیفکیشن معطل
- کیا رضوان آئرلینڈ کیخلاف سیریز میں اسکواڈ کا حصہ ہوں گے؟ بابر نے بتادیا
چکوترا صحت کے لیے 4 طرح سے فائدے مند
لندن: چکوترا یا گریپ فروٹ پاکستان میں عام پایا جاتا ہے اور یہ کئی امراض سے لڑنے کی قوت رکھتا ہے جب کہ اس میں موجود اہم اجزا جسم کی غذائی ضروریات کو پورا کرتے ہیں۔
امریکی فوڈ اینڈ ڈرگ ایڈمنسٹریشن ( ایف ڈی اے ) کے مطابق نصف گرے فروٹ میں صرف 60 کیلوریز ہوتی ہیں جب کہ آدھا پھل ایک بالغ کی روزانہ کی وٹامن سی کی نصف سے زائد ضروریات پوری کرتا ہے۔ اس کے علاوہ یہ فائبر، وٹامن اے اور سی، پوٹاشیئم ، اینٹی آکسیڈنٹس سے بھرپور ہوتا ہے۔ اس میں 91 فیصد پانی ہوتا ہے جو پیاس کو کم کرکے جسم میں پانی کی کمی کو دور کرتا ہے۔
اگر دواؤں کی بجائے چکوترا جیسے پھل کھائے جائیں تو نہ صرف قدرتی طور پر اہم اجزا جسم کو ملتے ہیں بلکہ جان لیوا امراض سے بھی محفوظ رہا جاسکتا ہے۔
دل کے دورے اور فالج سے بچاؤ:
امریکن ہارٹ ایسوسی ایشن ( اے ایچ اے) کے مطابق گریپ فروٹ میں موجود فلیوینوئڈز اینٹی آکسیڈنٹس فالج (اسٹروک) کو روکنے میں مددگارثابت ہوتےہیں۔ 69 ہزار عورتوں کو کھٹے پھلوں کے فلیوینوئڈز دیئے گئے تو ان میں خون کے لوتھڑے بننے کی شرح 19 فیصد تک کم دیکھی گئی ہے۔ اسی طرح 2015 کی ایک اسٹڈی سے معلوم ہوا ہے کہ گریپ فروٹ کھانے سے دل کے امراض کا خطرہ 15 فیصد تک کم ہوجاتا ہے جب کہ پوٹاشیئم بلڈ پریشر بڑھنے سے روکتا ہے۔
گُردے کی پتھری:
گریپ فروٹ میں موجود سٹرک ایسڈ گردوں میں ہونے والی تکلیف دہ پتھری کو روکتا ہے۔ یونیورسٹی آف وسکانس کے ماہرین کے مطابق گریپ فروٹ چھوٹی پھتریوں کو گھلانے میں نہایت اہم کردار ادا کرتا ہے۔
کینسر کو روکنے میں مددگار:
گریپ فروٹ میں موجود فولک ایسڈ کینسر کو روکنے میں نمایاں کردار ادا کرتا ہے۔ آنتوں، لبلبے اور دیگر اقسام کے کینسر کو روکنے میں فولک ایسڈ کا کردار تسلیم شدہ ہے۔ اس کے علاوہ ایک مطالعے سے انکشاف ہوا ہے کہ فولک ایسڈ بریسٹ کینسر سے بچاتا ہے۔
آنکھوں کی حفاظت:
امریکن آپٹومیٹرک ایسوسی ایشن کے مطابق چکوترا میں وٹامن سی کی بھرپور مقدار پائی جاتی ہے اور یہ آنکھوں میں موتیا بننے کو روکتی ہے۔
احتیاط:
ماہرین کے مطابق گریپ فروٹ صحت کے خزانوں سے مالامال ہے کہ لیکن اگر کوئی شخص بلڈ پریشر کی بعض دوائیں، ڈپریشن کی گولیاں اور اعضا کی پیوندکاری کے بعد جسمانی طور پر رد کرنے کے عمل کے خلاف کوئی دوا کھارہا ہے تو وہ گریپ فروٹ نہ کھائیں اور اسے ڈاکٹر کے مشورے سے استعمال کریں۔ اسی طرح گریپ فروٹ دواؤں کو خون میں جذب کرنے کا عمل تیز کردیتا ہے جس سے گردوں اور جگر کو نقصان پہنچ سکتا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔