لاس اینجلس ایئرپورٹ فائرنگ کے بعد خالی کرالیا گیا، ایک مشتبہ شخص گرفتار

لاس اینجلس: امریکی ریاست لاس اینجلس میں انٹرنیشنل ایئرپورٹ کو فائرنگ کے بعد خالی کرالیا گیا جس کے بعد سیکیورٹی فورسز نے سرچ آپریشن شروع کرتے ہوئے ایک مشتبہ شخص گرفتار کرلیا۔

غیرملکی خبررساں ادارے کے مطابق لاس اینجلس انٹرنیشنل ایئرپورٹ پر فائرنگ کی آواز سنی گئی جس کے بعد سیکیورٹی فورسز نے ایئرپورٹ کو گھیرے میں لیتے ہوئے مسافروں کو باہر نکال دیا جب کہ سرچ آپریشن کے دوران ایک مشتبہ شخص کو بھی حراست میں لیا جاچکا ہے۔ فائرنگ کی اطلاع کے بعد لوگ زمین پر لیٹ گئے جب کہ کئی مسافروں نے فیس بک اور دیگر سماجی رابطے کی ویب سائٹ پر تصاویر پوسٹ کیں جس میں دیکھا گیا کہ مسافر خوف میں مبتلا ہیں اور زمین پر لیٹے ہوئے ہیں۔

Police searching LAX after reports. All precautions being taken to ensure safety of public. Remain calm. Thank you for your cooperation

— LA Airport PD (@LAAirportPD) August 29, 2016

دوسری جانب لاس اینجلس ایئرپورٹ انتظامیہ نے مسافروں سے تعاون کی اپیل کی ہے تاہم سیکیورٹی فورسز کے سرچ آپریشن کے باعث تمام ملکی و غیر ملکی پروازیں روک دی گئی ہیں۔