لاہور کے حساس تعلیمی اداروں میں سیکیورٹی کا از سرنو جائزہ لینے کے احکامات

 لاہور: صوبائی دارالحكومت كے 338 اسكولوں ،كالجز اور یونیورسٹیز كو حساس قرار دے كر سیكیورٹی انتظامات كا از سر نو جائزہ لینے كے احكامات جاری كردئیے گئے۔

نمائندہ ایکسپریس کے مطابق ذرائع نے بتایا کہ فہرست میں لاہور میں انتہائی حساس نوعیت كے 207 جب كہ حساس نوعیت كے 131 تعلیمی ادارے ہیں، انتہائی حساس اسكولوں كی تعداد 149 ہے اور 107 حساس كیٹگری میں  شامل ہیں، كالجز میں 35 انتہائی حساس جب كہ 23 حساس كیٹگری میں موجود ہیں۔

ذرائع کے مطابق سیكیورٹی اداروں كی جانب سے یونیورسٹیز میں 23 انتہائی حساس جب كہ ایك حساس كیٹگری میں شامل كی گئی ہے۔ حساس اداروں كی جانب سے پولیس اور قانوں  نافذ كرنے والے دیگر اداروں كو سیكیورٹی كو اپ گریڈ كرنے كا حكم دیا گیا ہے۔

ڈی آئی جی آپریشن ڈاكٹرحیدراشرف كا كہنا ہے سیكیورٹی خدشات كے باعث تعلیمی اداروں  میں كومبنگ آپریشن جاری ہے اور تعلیمی اداروں  كے گرد گشت میں  بھی اضافہ كیا گیا ہے۔