بنگلادیشی بولرز تسکین احمد اور عرفات سنی کا بولنگ ایکشن کلیئرقرار

دبئی: آئی سی سی نے بنگلا دیشی بولرز تسکین احمد اور عرفات سنی کا بولنگ ایکشن کلیئرقرار دے دیا ہے۔

انٹرنیشنل کرکٹ کونسل (آئی سی سی ) نے بنگلادیش کے فاسٹ بولر تسکین احمد اور اسپنر عرفات سنی پر مشکوک ایکشن کی وجہ سے 6 ماہ قبل پابندی عائد کی تھی تاہم اب دونوں بولرز کا بولنگ ایکشن کلیئر قرار دے دیا گیا ہے جس کے بعد تسکین احمد اور شہریار خان پر پابندی ختم ہوگئی ہے اور وہ  انٹرنیشنل کرکٹ میں بولنگ کے اہل قراردے دیے گئے ہیں۔

Arafat Sunny and Taskin Ahmed bowling actions found to be legal; free to return to international cricket https://t.co/DFciBKcefD pic.twitter.com/3r6PUjikFY

— ICC (@ICC) September 23, 2016

تسکین احمد اور عرفات سنی کا ٹیسٹ نیشنل کرکٹ سینٹر برسبن میں ہوا جہاں دونوں بولرز کی تمام ڈیلیوریز میں کہنی آئی سی سی کے قانون کے مطابق 15 ڈگری کے اندر ہی گھومتی رہی جس کے بعد امپائرز نے دونوں بولرز پر عائد پابندی ختم کرنے کا کہا۔

واضح رہے ٹی ٹوئنٹی ورلڈکپ 2016 کے ابتدائی میچ میں ہی دونوں بولرز کا بولنگ ایکشن مشکوک قرار دیا گیا تھا۔