اسد رضا نے نئی تاریخ رقم کردی، ایک اننگز میں 10 شکار

اسپورٹس رپورٹر  پير 26 ستمبر 2016
پہلے اوور میں ہیٹ ٹرک کا کارنامہ، حیدرآبادکیخلاف پیسر کی میچ میں 14وکٹیں  ۔  فوٹو : ا ے پی پی

پہلے اوور میں ہیٹ ٹرک کا کارنامہ، حیدرآبادکیخلاف پیسر کی میچ میں 14وکٹیں ۔ فوٹو : ا ے پی پی

 لاہور:  نوجوان بولر اسد رضا نے ڈومیسٹک کرکٹ کی ایک اننگز میں 10 وکٹیں لے کر نئی تاریخ رقم کردی۔

تفصیلات کے مطابق پی سی بی کے زیراہتمام انٹرریجن انڈر 19تین روزہ میچز کے ٹورنامنٹ میں نیازاسٹیڈیم میں کھیلے جانے والے میچ میں میزبان ٹیم نے ٹاس جیت کر پہلے بولنگ کا فیصلہ کیا، فیصل آباد نے عبدالصمد اور محمد شاہدکی سنچریزکی بدولت 346 کا مجموعہ حاصل کیا،حیدرآبادکی جوابی اننگزمیں اسدرضا نے ابتدا میں ہی تباہی پھیلاتے ہوئے پہلے اوور میں ہیٹ ٹرک مکمل کرلی۔

اس کے بعد بھی دائیں ہاتھ کے میڈیم فاسٹ بولر نے کسی اورکوشکارکرنے کا موقع نہ دیتے ہوئے تمام وکٹوں پر ہاتھ صاف کیا، انھوں نے 10وکٹیں حاصل کرتے ہوئے میزبان ٹیم کو 81پر ڈھیر کردیا۔ فالوآن کے بعد حیدرآباد کی دوسری اننگز میں بھی اسد رضا نے 4پلیئرز کو پویلین کی راہ دکھائی،یوں پیسر نے میچ میں عوض 14شکار کیے، حیدرآباد کی ٹیم 156تک محدود رہی، فیصل آباد نے اننگز اور 109رنز سے فتح سمیٹی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔