کراچی میں صبح سویرے ہلکی پھوار سے موسم خوشگوار

 کراچی: شہر کے مختلف علاقوں میں صبح سویرے ہلکی پھوار سے موسم خوشگوار ہو گیا۔

ایکسپریس نیوز کے مطابق کراچی کے مختلف علاقوں میں صبح سویرے ہلکی پھوار سے موسم خوشگوار ہو گیا جب کہ محکمہ موسمیات کا کہنا ہے کہ کراچی میں آج صبح ہونے والی بارش کا مون سون سے کوئی تعلق نہیں بلکہ یہ پھوار مقامی بادلوں کی وجہ سے ہوئی، شہر میں موسلا دھار بارش کا کوئی امکان نہیں تاہم موسم ابر آلود رہے گا۔