لاہور میں گھر سے ایک ہی خاندان کے 4 افراد کی لاشیں برآمد

ویب ڈیسک  منگل 18 اکتوبر 2016
وزیر اعلیٰ پنجاب نوٹس لیتے ہوئے واقعے کی رپورٹ طلب کرلی ہے۔ فوٹو: فائل

وزیر اعلیٰ پنجاب نوٹس لیتے ہوئے واقعے کی رپورٹ طلب کرلی ہے۔ فوٹو: فائل

 لاہور: نواب ٹاؤن کے علاقے رسول پورہ میں گھر سے ایک ہی خاندان کے 4 افراد کی لاشیں برآمد ہوئی ہیں۔

ایکسپریس نیوز کے مطابق لاہور میں نواب ٹاؤن کے علاقے رسول پورہ میں واقع گھر سے ایک ہی خاندان کے 4 افراد کی لاشیں برآمد ہوئی ہیں، لاشوں کی شناخت 25 سالہ مالک اس کی 22 سالہ بیوی آسیہ جب کہ بچوں 3 سالہ مریم اور 5 سالہ آصف کے نام سے ہوئی ہے۔

پولیس کاکہنا ہے محمد مالک بطور سیکورٹی گارڈ کام کرتا تھا، ابتدائی تفتیش کے مطابق واقعہ خود کشی لگتا ہے، مالک نے پہلے بیوی اور دونوں بچوں کو قتل کیا اور پھر پھندا لگاکر خود کشی کرلی۔ دوسری جانب اہل علاقہ کا کہنا ہے کہ میاں اور بیوی میں اکثر جھگڑا رہتا تھا، پولیس نے لاشوں کو تحویل میں لے کر ضابطے کی کارروائی شروع کردی ہے۔

وزیر اعلیٰ پنجاب شہباز شریف نے رسول پورہ میں 4 افراد کے قتل کا نوٹس لیتے ہوئے واقعےمیں ملوث ملزمان کی فوری گرفتاری کا حکم دے دیا ہے جب کہ ڈی آئی جی آپریشنز سے رپورٹ بھی طلب کرلی ہے۔



ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔