- ویمن ون ڈے سیریز؛ پاک ویسٹ انڈیز ٹیموں کا کراچی میں ٹریننگ سیشن
- محکمہ صحت پختونخوا نے بشریٰ بی بی کے طبی معائنے کی اجازت مانگ لی
- پختونخوا؛ طوفانی بارشوں میں 2 بچوں سمیت مزید 3 افراد جاں بحق، تعداد 46 ہوگئی
- امریکا کسی جارحانہ کارروائی میں ملوث نہیں، وزیر خارجہ
- پی آئی اے کا یورپی فلائٹ آپریشن کیلیے پیرس کو حب بنانے کا فیصلہ
- بیرون ملک ملازمت کی آڑ میں انسانی اسمگلنگ گینگ سرغنہ سمیت 4 ملزمان گرفتار
- پاکستان کےمیزائل پروگرام میں معاونت کا الزام، امریکا نے4 کمپنیوں پرپابندی لگا دی
- جرائم کی شرح میں اضافہ اور اداروں کی کارکردگی؟
- ضمنی انتخابات میں عوام کی سہولت کیلیے مانیٹرنگ اینڈ کنٹرول سینٹر قائم
- وزیرداخلہ سے ایرانی سفیر کی ملاقات، صدررئیسی کے دورے سے متعلق تبادلہ خیال
- پختونخوا؛ صحت کارڈ پر دوائیں نہ ملنے پر معطل کیے گئے 15 ڈاکٹرز بحال
- لاہور؛ پولیس مقابلے میں 2 ڈاکو مارے گئے، ایک اہل کار شہید دوسرا زخمی
- پختونخوا؛ مسلسل بارشوں کی وجہ سے کئی اضلاع میں 30 اپریل تک طبی ایمرجنسی نافذ
- پختونخوا؛ سرکاری اسکولوں میں کتب کی عدم فراہمی، تعلیمی سرگرمیاں معطل
- موٹر وے پولیس کی کارروائی، کروڑوں روپے مالیت کی منشیات برآمد
- شمالی کوریا کا کروز میزائل لیجانے والے غیرمعمولی طورپربڑے وارہیڈ کا تجربہ
- پاکستان اور نیوزی لینڈ کے درمیان دوسرا ٹی20 آج کھیلا جائے گا
- بابر کو ماضی کی غلطیوں سے سبق سیکھنے کا مشورہ
- موبائل فون صارفین کی تعداد میں 37 لاکھ کی ریکارڈ کمی
- گیلپ پاکستان سروے، 84 فیصد عوام ٹیکس دینے کے حامی
پی ایس ایل کے دوسرے ایڈیشن کیلئے کھلاڑیوں کے انتخاب کا مرحلہ مکمل
دبئی: پاکستان سپر لیگ کے دوسرے ایڈیشن کے لئے تمام 5 فرانچائز نے 16،16 کھلاڑیوں کو انتخاب کرلیا۔
پی ایس ایل کے دوسرے ایڈیشن کے لئے پلیئرز کے انتخاب کے لئے دبئی میں رنگا رنگ تقریب منعقد ہوئی جس میں ملکی و غیر ملکی کھلاڑیوں کے علاوہ فرنچائز مالکان اور کئی نامور شخصیات نے شرکت کی۔ تمام کھلاڑیوں کو پلاٹینئم، ڈائمنڈ، گولڈ اور سلور کیٹیگری میں تقسیم کیا گیا تھا جب کہ پلاٹینئم، ڈائمنڈ اور گولڈ کیٹیگری سے ہر فرنچائز کو 3،3 کھلاڑیوں کا انتخاب کرنا تھا۔
پلاٹینئم کیٹیگری سے لاہور قلندرز نے برینڈم میکولم، سنیل نارائن اور عمر اکمل کا انتخاب کیا جب کہ کراچی کنگز نے کرس گیل، کیون پولارڈ اور شعیب ملک پر بھروسہ کیا، پشاور زلمی نے شاہد آفریدی، این مورگن اور وہاب ریاض کا چناؤ کیا۔ پلاٹینئم کیٹیگری میں کوئٹہ گلیڈیئٹر نے کیون پیٹرسن، سرفراز احمد اور احمد شہزاد کو چنا جب کہ اسلام آباد یونائیٹیڈ نے مصباح الحق، شین واٹسن اور آندرے رسلز کو چنا۔
پشاور زلمی کے سابق کپتان شاہد آفریدی نے فرنچائز کا صدر بننے کے بعد کپتانی چھوڑنے کا اعلان کرتے ہوئے ڈیرن سیمی کو نیا کپتان بنا دیا جب کہ بوم بوم آفریدی نے مایہ ناز بلے باز یونس خان کو پشاور زلمی کا بیٹنگ کوچ مقرر کیا ہے۔ اسی طرح لاہور قلندرز کی قیادت اظہر علی کی بجائے برینڈم میکولم کریں گے جب کہ اسلام آباد یونائیٹیڈی کی قیادت مصباح الحق، کراچی کی کپتانی کرس گیل اور کوئٹہ گلیڈیئٹر کی قیادت کیون پیٹرسن کریں گے۔
ڈائمنڈ کیٹیگری میں سے لاہور قلندرز نے سہیل تنویر، ڈیوائن براوو اور یاسر شاہ کا انتخاب کیا جب کہ کراچی کنگز نے محمد عامر، روی بوپارا اور کمار سنگاکارا کو چنا، پشاور زلمی نے شکیب الحسن، ڈیرن سیمی اور محمد حفیظ کو منتخب کیا، کوئٹہ گلیڈیئٹر نے کارلوس بریتھ ویٹ، لیوک رائٹ اور انور علی کو ڈائمنڈ کیٹیگری میں شامل رکھا جب کہ اسلام آباد یونائیٹیڈ نے شرجیل خان، محمد عرفان اور سیموئل بدری پر بھروسہ کیا ہے۔
گولڈ کیٹیگری میں سے لاہور قلندرز نے محمد رضوان، کیمرون ڈیلپورٹ اور اینٹون ڈیوچ کا انتخاب کیا، اسلام آباد یونائیٹیڈ نے خالد لطیف، محمد سمیع اور بریڈ ہیڈن جب کہ کوئٹہ گلیڈیئیٹر نے عمر گل، ذوالفقار بابر اور ٹائیمل ملز، پشاور زلمی نے تمیم اقبال، کرس جورڈن اور کامران اکمل اور کراچی کنگز نے عماد وسیم، بابر اعظم اور ریان مکلرن کو منتخب کیا۔
سلور کیٹیگری میں شامل کھلاڑی:
اسلام آباد یونائیٹیڈ: عمران خالد، سعید اجمل، رومان رئیس،آصف علی اور سیم بلنگ
کراچی کنگز: خرم منظور، سہیل خان، شاہ زیب حسن، کاشف عباسی اور سیف اللہ بنگش
لاہور قلندرز: اظہرعلی، ظفر گوہر، فخر زمان، بلاول بھٹی اور عامر یامین
پشاور زلمی: عمران خان جونئیر، جنید خان، حارث سہیل، افتخاراحمد اور صہیب مقصود
کوئٹہ گلیڈیئٹر: اسد شفیق، محمد نواز، محمد نبی، سعد نسیم اور عمر امین
پلاٹینئم کیٹیگری:
ڈائمنڈ کیٹیگری:
گولڈ کیٹیگری:
سلور کیٹیگری:
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔