کیلیفورنیا میں ری سائیکلنگ پلانٹ میں خوفناک آتشزدگی، لاکھوں ڈالر کا سامان جل کر راکھ

کیلی فورنیا: اونٹیریو کے علاقے میں ری سائیکلنگ کے پلانٹ میں بڑے پیمانے پر آتشزدگی سے لاکھوں ڈالر کا سامان جل کر خاکستر ہو گیا۔

غیر ملکی خبر رساں ادارے کے مطابق کیلی فورنیا کے علاقے اونٹیریو میں واقع ری سائیکلنگ پلانٹ میں بڑی تعداد میں گاڑیاں اور دیگر سامان موجود تھا کہ وہاں اچانک آگ بھڑک اٹھی جس نے پورے پلانٹ کو اپنی لپیٹ میں لے لیا۔ آگ پر قابو پانے کے لئے فائربریگیڈ کی کئی گاڑیاں موقع پر پہنچ گئیں اور آگ بجھانے کی کارروائی میں ہیلی کاپٹروں نے بھی حصہ لیا۔

پلانٹ میں موجود لکڑی اور کاغذ کے سامان کی وجہ سے فائر فائٹرز کو آگ بجھانے میں دشواری کا سامنا کرنا پڑا، بڑے پیمانے پر آگ پھیلنے کے باعث اردگرد کے علاقے کو بھی خالی کرا لیا گیا اور پلانٹ کے نزدیک ریلوے ٹریک کو بھی بند کر دیا گیا۔

آگ لگنے کی تصاویر لوگوں نے سوشل میڈیا پر بھی شیئر کیں۔

Fire near State Street and Bon View Avenue. Please avoid the area. #ReadyOntario pic.twitter.com/gZ440rhG6Z

— ReadyOntario (@readyontario) October 22, 2016

ایک شخص نے سوشل میڈیا پر تصویر شیئر کر کے پوچھا کہ اونٹیریو میں کیا جل رہا ہے۔

Unknown type fire burning near Ontario airport. #fire #Ontario pic.twitter.com/Uv8EABPP07

— Fireground Action (@firephotos) October 21, 2016