داعش نے موصل میں 280 سے زائد افراد کو قتل کردیا

ویب ڈیسک  ہفتہ 22 اکتوبر 2016
عراقی اور کرد فورسز کے حملوں سے بچنے کیلئے داعش نے 550 خاندانوں کو اغوا کر لیا تھا۔ فوٹو: فائل

عراقی اور کرد فورسز کے حملوں سے بچنے کیلئے داعش نے 550 خاندانوں کو اغوا کر لیا تھا۔ فوٹو: فائل

بغداد: بین الاقوامی شدت پسند تنظیم داعش نے عراق کے شمالی شہر موصل میں بچوں اور نوجوان لڑکوں سمیت 280 سے زائد افراد کو قتل کردیا۔

امریکی نشریاتی ادارے سی این این کے مطابق داعش نے عراق افواج کے حملوں سے بچنے کے لئے ڈھال کے طور پر اغوا کئے گئے 284 بچوں اور نوجوان لڑکوں کو  کر کے قتل کردیا۔ سی این این نے ذرائع کے حوالے سے کہا ہے کہ داعش نے ان افراد کی لاشوں کو اجتماعی قبروں میں دفنانے کے لئے موصل کے کالعدم ایگری کلچر کالج میں بلڈوزرز کا استعمال کیا تاہم سی این این نے ذرائع کی تصدیق سے انکار کیا ہے۔

اس خبر کو بھی پڑھیں: داعش کا عراقی شہر کرکوک پر حملہ، 37 افراد ہلاک

قبل ازیں اقوام متحدہ کی جانب سے کہا گیا تھا کہ داعش کی جانب سے موصل اور ارد گرد کے علاقوں سے 550 خاندانوں کو اپنے ساتھ لے جانا انتہائی تشویشناک ہے۔

واضح رہے کہ عراقی اور کرد فورسز نے موصل سے داعش کا قبضہ چھڑانے کے لئے چند روز قبل آپریشن شروع کیا تھا جس کے بعد داعش انسانی جانوں کی آڑ میں تحفظ لینے کے لئے سومالیہ گاؤں سے 200 اور نجافیہ سے 350 خاندانوں کو زبردستی موصل لے آئے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔