اسلام آباد بند کرنے کے اعلان کرنے کے خلاف درخواست؛ سماعت کے لئے بنچ تشکیل

ویب ڈیسک  پير 24 اکتوبر 2016
بنچ میں جسٹس انوارالحق اور جسٹس قاسم خان بھی شامل ہیں فوٹو: فائل

بنچ میں جسٹس انوارالحق اور جسٹس قاسم خان بھی شامل ہیں فوٹو: فائل

 لاہور: چیف جسٹس لاہور ہائی کورٹ جسٹس منصور علی شاہ نے اسلام آباد بند کرنے کے اعلان کرنے کے خلاف درخواست کی سماعت کے لئے 3 رکنی فل بنچ تشکیل دے دیا ہے۔

ایکسپریس نیوز کے مطابق عمران خان کی جانب سے اسلام آباد بند کرنے کے اعلان کے خلاف لاہور ہوئی کورٹ میں درخواست دائر کی گئی تھی جس میں موقف اختیار کیا گیا تھا کہ اسلام آباد کو بند کرنے کا اعلان کرکے عمران نے عام شہریوں کو بغاوت پر اکسایا۔ ملک پہلے ہی امن و امان کے مسائل سے دوچار ہے جبکہ وفاقی دارالحکومت بند کرنے کی دھمکی سے اسٹاک ایکسچینج اور ملکی معیشت پر برے اثرات مرتب ہو رہے ہیں۔

اس خبر کو بھی پڑھیں : تحریک انصاف کا دھرنا رکوانے کے لیے درخواست

چیف جسٹس لاہور ہائی کورٹ جسٹس منصور علی شاہ نے جسٹس شاہد حمید ڈار کی سربراہی میں 3 رکنی بنچ تشکیل دیا ہے جس میں جسٹس انوارالحق اور جسٹس قاسم خان بھی شامل ہیں، بنچ 26 اکتوبر کو درخواست کی سماعت کرے گا۔

اس خبر کو بھی پڑھیں : اسلام آباد بند کرنے کی منصوبہ بندی ہوگئی

واضح رہے کہ عمران خان نے 2 نومبر کو اسلام آباد بند کرنے کا اعلان کیا ہے۔ ان کا مطالبہ ہے کہ وزیر اعظم پاناما لیکس کی تحقیقات کے لیے اپوزیشن کے ٹی او آر کو من و عن تسلیم کرلے۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔