- پاک آئرلینڈ ٹی20 سیریز؛ شیڈول کا اعلان ہوگیا
- برج خلیفہ کے رہائشیوں کیلیے سحر و افطار کے 3 مختلف اوقات
- روس کا جنگی طیارہ سمندر میں گر کر تباہ
- ہفتے میں دو بار ورزش بے خوابی کے خطرات کم کرسکتی ہے، تحقیق
- آسٹریلیا کے انوکھے دوستوں کی جوڑی ٹوٹ گئی
- ملکی وے کہکشاں کے درمیان موجود بلیک ہول کی نئی تصویر جاری
- کپتان کی تبدیلی کے آثار مزید نمایاں ہونے لگے
- قیادت میں ممکنہ تبدیلی؛ بورڈ نے شاہین کو تاحال اعتماد میں نہیں لیا
- ایچ بی ایف سی کا چیلنجنگ معاشی ماحول میں ریکارڈ مالیاتی نتائج کا حصول
- اسپیشل عید ٹرینوں کے کرایوں میں کمی پر غور کر رہے ہیں، سی ای او ریلوے
- سول ایوی ایشن اتھارٹی سے 13ارب ٹیکس واجبات کی ریکوری
- سندھ میں 15 جیلوں کی مرمت کیلیے ایک ارب 30 کروڑ روپے کی منظوری
- پی آئی اے نجکاری، جلد عالمی مارکیٹ میں اشتہار شائع ہونگے
- صنعتوں، سروسز سیکٹر کی ناقص کارکردگی، معاشی ترقی کی شرح گر کر ایک فیصد ہو گئی
- جواہرات کے شعبے کو ترقی دیکر زرمبادلہ کما سکتے ہیں، صدر
- پاکستان کی سیکنڈری ایمرجنگ مارکیٹ حیثیت 6ماہ کے لیے برقرار
- اعمال حسنہ رمضان الکریم
- قُرب الہی کا حصول
- رمضان الکریم ماہِ نزول قرآن حکیم
- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
چیف سلیکٹر نے سعید اجمل کو بھی ’سبز باغ‘ دکھا دیے
کراچی: چیف سلیکٹر انضمام الحق نے سعید اجمل کو بھی واپسی کے ’سبز باغ‘ دکھا دیے، ان کا کہنا ہے کہ سعید اب بھی بہترین آف اسپنر ہیں، فرسٹ کلاس میچز میں ان کی کارکردگی پر نظر رکھی ہوئی ہے، وہ اچھا کھیلتے رہے تو ٹیم کا دروازہ کھل سکتا ہے، جلد ہی سلیکٹر توصیف احمد باصلاحیت آف اسپنرز کی تلاش کیلیے کیمپ لگائیں گے۔
تفصیلات کے مطابق ایک وقت تھاکہ سعید اجمل کرکٹ کے تینوں فارمیٹس میں آئی سی سی رینکنگ میں ٹاپ پوزیشنز پر فائز تھے، مگر 2014میں بولنگ ایکشن غیرقانونی قرار دیے جانے کے بعد ان کا زوال شروع ہوگیا، ایکشن میں تبدیلی کے بعد پابندی کا خاتمہ تو کرالیا مگر نئے انداز سے شروع میں خاطر خواہ کامیابیاں نہیں سمیٹ پائے جس پر ٹیم سے باہر ہونا پڑا۔ انھیں حال ہی میں الوداعی میچ کھلانے کی باتیں بھی سامنے آئیں جنھیں سعید اجمل نے ٹھکرا دیا۔
اب چیف سلیکٹر انضمام الحق نے انھیں ٹیم میں واپسی کا نیا خواب دکھادیا، رواں ماہ 39 برس کے ہونے والے سعید اجمل کے بارے میں انضمام الحق نے ایک انٹرویو میں کہاکہ وہ پاکستان کے بہترین بولر رہے ہیں جبکہ حال ہی میں قومی ٹوئنٹی 20 چیمپئن شپ میں بھی ان کی کارکردگی کافی بہتر تھی، ہم اب فرسٹ کلاس میچز میں ان کی بولنگ پر نظر رکھے ہوئے ہیں، اگر وہ ایسی پرفارمنس کا سلسلہ جاری رکھتے ہیں توانھیں سلیکشن کیلیے زیر غور لاسکتے ہیں۔
چیف سلیکٹر نے کہا کہ کسی بھی بولر کیلیے آسان نہیں ہوتا کہ وہ ایکشن میں تبدیلی کے بعد کم بیک کرے مگر سعید اجمل نے ایسا کردکھایا، انھیں اس کا صلہ مل سکتا ہے، اگرکسی بھی وقت قومی ٹیم میں ان کی ضرورت پڑی تو منتخب کیا جا سکتا ہے، انھیں فیوچر پلان سے باہر نہیں کیا مگر اب ہم ٹیم ضرورت کے تحت کھلاڑیوں کے انتخاب کی پالیسی پر عمل پیرا ہیں۔انھوں نے کہا کہ سعید اجمل اور محمد حفیظ کے بولنگ ایکشن کے معاملے میں الجھنے کے بعد ہمارے پاس کوئی اچھا آف اسپنرنہیں ہے، اس لیے میں نے سلیکٹرتوصیف احمد کو باصلاحیت آف بریک بولرز کی تلاش کے لیے جلدکیمپ لگانے کی ہدایت کردی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔