- جنوبی افریقا میں ایسٹر تقریب میں جانے والی بس پل سے الٹ گئی؛ 45 ہلاکتیں
- پاکستانی ٹیم میں 5 کپتان! مگر کیسے؟
- پختونخوا کابینہ؛ ایک ارب 15 کروڑ روپے کا عید پیکیج منظور
- اسلام آباد ہائیکورٹ نے پی ٹی آئی رہنما کو عمرے پرجانے کی اجازت دے دی
- وزیر اعظم نے مشترکہ مفادات کونسل کی تشکیل نو کر دی
- پنجاب گرمی کی لپیٹ میں، آج اور کل گرج چمک کیساتھ بارش کا امکان
- لاہور میں بچے کو زنجیر سے باندھ کر تشدد کرنے کی ویڈیو وائرل، ملزمان گرفتار
- پشاور؛ بس سے 2 ہزار کلو سے زیادہ مضر صحت گوشت و دیگر اشیا برآمد
- وزیراعلیٰ پنجاب نے نوازشریف کسان کارڈ کی منظوری دے دی
- بھارتی فوجی نے کلکتہ ایئرپورٹ پر خود کو گولی مار کر خودکشی کرلی
- چائلڈ میرج اور تعلیم کا حق
- بلوچستان؛ ایف آئی اے کا کریک ڈاؤن، بڑی تعداد میں جعلی ادویات برآمد
- قومی ٹیم کی کپتانی! حتمی فیصلہ آج متوقع
- پی ایس 80 دادو کے ضمنی انتخاب میں پی پی امیدوار بلامقابلہ کامیاب
- کپتان کی تبدیلی کیلئے چیئرمین پی سی بی کی زیر صدارت اہم اجلاس
- پاکستان کو کم از کم 3 سال کا نیا آئی ایم ایف پروگرام درکار ہے، وزیر خزانہ
- پاک آئرلینڈ ٹی20 سیریز؛ شیڈول کا اعلان ہوگیا
- برج خلیفہ کے رہائشیوں کیلیے سحر و افطار کے 3 مختلف اوقات
- روس کا جنگی طیارہ سمندر میں گر کر تباہ
- ہفتے میں دو بار ورزش بے خوابی کے خطرات کم کرسکتی ہے، تحقیق
کوئی طاقت ہمارا اسلام آباد دھرنا نہیں روک سکتی، عمران خان
اسلام آباد: چیرمین تحریک انصاف عمران خان کا کہنا ہے کہ ایک بارپھر پوری قوم کو 2 نومبر کے اسلام آباد دھرنے میں بھرپور شرکت کی دعوت دیتا ہوں اورکوئی طاقت ہمیں دھرنے سے نہیں روک سکتی۔
بنی گالہ میں میڈیا سے بات کرتے ہوئے عمران خان کا کہنا تھا کہ وزیراعظم اربوں روپے کی کرپشن میں پکڑے گئے ہیں، نوازشریف نے کرپشن کے لئے ادارے اوردو قومی نظریے کو تباہ کردیا ہے، نوازشریف کے پاس احتساب یا استعفیٰ دینے کے علاوہ کوئی دوسرا آپشن موجود نہیں ہے۔ ان کا کہنا تھا کہ حکومت ہمارے پرامن جمہوری حق کونقصان پہنچانے کی کوشش کررہی ہے، اگرہمارے کارکنوں کی پکردھکڑ بند نہ ہوئی توانتشارپھیلے گا، ہمارے لوگ رکنے والے نہیں ہیں اورانہیں کوئی روک نہیں سکے گا۔ نوازشریف ضمیروں کے سودا گرہیں،اُن کی بادشاہت کی مذمت کرتا ہوں، وہ فوجی آمرکی پیداواراورانہوں نے ہمیشہ امیرالمومنین بننے کی کوشش کرتے ہیں۔
عمران خان کا کہنا تھا کہ ہ قوم ڈوب رہی ہے، ڈھائی کروڑبچے اسکول سے باہرہیں، ملک کی ایک بڑی آبادی غذائی قلت کا شکار ہے، لوگ بھوکے مررہے ہیں اوراسٹیٹس کوکے لوگ کہہ رہے ہیں کہ اسلام آباد بند ہوجائے گا تو ان کے بچے اسکول کیسے جائیں گے، کیا وہ ڈھائی کروڑ بچے پاکستانی نہیں جو اسکول نہیں جا رہے۔ ان کا کہنا تھا کہ ان لوگوں کا ضمیراوراخلاقیات مرچکی ہے اورمیں اسٹیٹس کوکے لوگوں کو تکلیف دوں گا۔ کل جو شہبازشریف نے ڈرامے سے بھرپورتقریرکی انہیں توایوارڈ ملنا چاہیئے، شہبازشریف نے 6 ارب روپے کے قرضے لے رکھے تھے انہیں تو 2013 میں الیکشن لڑنے کی اجازت ہی نہیں ملنی چاہیئے تھی، شہبازشریف کوان کی کل کی تقریرپربھارتی فلموں میں کام کرنا چاہیئے ۔
چیرمین تحریک انصاف نے کہا کہ 2 نومبر کے دھرنے کے لئے میرا عزم اورولولہ ہرروزبڑھتا جا رہا ہے، تمام مکاتب فکر سے تعلق رکھنے والے افراد کو ایک بار پھر دھرنے میں بھرپور طریقے سے شرکت کی دعوت دیتا ہوں۔ انہوں نے کہا کہ پنجاب پولیس کے ہاتھ ماڈل ٹاؤن کے افراد کے خون میں رنگے ہوئے ہیں، اگرآپ یہ سمجھتے ہیں کہ آپ پھرسے لوگوں پرتشدد کریں گے تویہ قوم آپ کو کبھی معاف نہیں کرے گی، آپ لوگ عوام کے ٹیکس کے پیسوں سے تنخواہیں لیتے ہیں نا کہ شریف خاندان اپنی جیب سے آپ لوگوں کو پیسے فراہم کرتا ہے، اس لئے پنجاب اوراسلام آباد پولیس سے کہتا ہوں کہ شریف خاندان کے گلوبٹ بننے کے بجائے آئین اورقانون کے تحت قوم کی خدمت کریں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔