کوئٹہ میں پولیس مقابلے کے دوران 4 دہشت گرد ہلاک، 3 اہلکار بھی زخمی

پولیس نے خفیہ اطلاع پر ہزارگنجی میں ایک گھر پر چھاپہ مارا جس پر دہشت گردوں نے اہلکاروں پر دستی بم پھینکے۔

ویب ڈیسک جمعـء 28 اکتوبر 2016

پولیس نے خفیہ اطلاع پر ہزارگنجی میں ایک گھر پر چھاپہ مارا جس پر دہشت گردوں نے اہلکاروں پر دستی بم پھینکے۔ فوٹو: فائل

کوئٹہ: ہزار گنجی میں پولیس اور دہشت گردوں کے درمیان فائرنگ کے تبادلے میں 4 دہشت گرد ہلاک اور 3 اہلکار زخمی ہوگئے۔

ایکسپریس نیوز کے مطابق کوئٹہ کے علاقے ہزار گنجی میں پولیس نے خفیہ اطلاع پر ایک مکان پر چھاپہ مارا جس کے بعد دہشت گردوں نے گھر سے پولیس پر دستی بم پھینکے جس کے نتیجے میں 3 اہلکار زخمی ہوگئے جنہیں فوری طور پر قریبی اسپتال منتقل کردیا۔ گھر میں دہشت گردوں کی موجودگی پر پولیس کی اضافی نفری طلب کرتے ہوئے کمپاؤنڈ کا محاصرہ کیا گیا جس کے بعد آپریشن کے نتیجے میں 3 دہشت گرد مارے گئے۔