عامر خان کی وزن میں اضافے اورکمی کرنے کی تربیتی ویڈیو نے دھوم مچادی

ویب ڈیسک  بدھ 30 نومبر 2016
اداکار نے فلم کے کردار کے لیے وزن میں 28 کلو اضافہ اور کمی کی تھی۔ فوٹو؛ فائل

اداکار نے فلم کے کردار کے لیے وزن میں 28 کلو اضافہ اور کمی کی تھی۔ فوٹو؛ فائل

ممبئی: بالی ووڈ سپر اسٹار عامر خان کی فلم ’’دنگل‘‘ کے لیے وزن میں اضافے اور کمی کرنے کی  تربیتی ویڈیو نے تہلکہ مچا دیا۔

بالی ووڈ اسٹار عامر خان فلموں میں اپنے کردار میں ڈھل جانے  کے لیے کسی بھی حد تک گزر جانے سے گریز نہیں کرتے جس کے باعث انہیں متعدد بار صحت کے سنگین مسائل کا بھی سامنا کرنا پڑا ہے جب کہ اپنی نئی آنے والی فلم عامر خان ’’دنگل‘‘ میں پہلوان کے کردار میں نظر آئیں گے جس کے لیے انہوں نے اپنے وزن میں 25 کلو سے زائد کا اضافہ کیا تھا لیکن اب فلم کے لیے وزن میں اضافے اورکمی کی ویڈیو نے دھوم مچادی ہے۔

عامر خان کی ویڈیو میں دیکھا جاسکتا ہے کہ اداکار نے اپنے وزن میں اضافے کے لیے  صحت مند غذا کا استعمال کیا جب کہ فلم میں ہی اپنے نوجوانی کے کردار کے لیے انہوں نے 5 ماہ کی انتھک محنت اور مشقت سے وزن میں 28 کلو کمی کی ہے۔

عامر خان کی تربیتی ویڈیوکو سوشل میڈیا پر بے حد پسند کیا جارہا ہے جس میں مداح وزن کی کمی کرنے کے لیے مشقت پر حیران ہے جب کہ یو ٹیوب پر تربیتی ویڈیو کو 2 دن میں 35 لاکھ سے زائد افراد دیکھ چکے ہیں۔

واضح رہے کہ اداکار عامر خان کی فلم ’’دنگل‘‘رواں سال 23 دسمبر کو سنیما گھروں کی زینت بنے گی۔



ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔