چین میں بس حادثے میں 18 افراد ہلاک

ویب ڈیسک  جمعـء 2 دسمبر 2016
حادثے کے وقت بس میں 20 افراد سوار تھے، پولیس۔ فوٹو : فائل

حادثے کے وقت بس میں 20 افراد سوار تھے، پولیس۔ فوٹو : فائل

بیجنگ: چین میں بس حادثے کے نتیجے میں 18 افراد ہلاک ہوگئے۔

غیر ملکی خبر رساں ادارے کے مطابق چین کے وسطیٰ صوبے ہوبے میں تیز رفتار بس ڈرائیور سے بے قابو ہوکر جھیل میں جا گری جس کے نتیجے میں 18 افراد ہلاک ہوگئے، واقعہ کے بعد امدادی اہلکاروں نے لاشوں کو نکال کر اسپتال منتقل کیا۔

پولیس کے مطابق تیز رفتاری کے باعث بس بے قابو ہوکر جھیل میں جاگری جب کہ بس میں 20 افراد سوار تھے، پولیس نےبس ڈرائیور کو حراست میں لے کر تحقیقات شروع کردی ہیں۔

واضح رہے کہ چین میں ٹریفک حادثات معمول کا باعث ہیں جب کہ صرف 2013 میں ڈھائی لاکھ سے زائد افراد ٹریفک حادثات کے نتیجے میں اپنی جان سے ہاتھ دھو بیٹھے تھے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔