- جسٹس اشتیاق ابراہیم چیف جسٹس پشاور ہائی کورٹ تعینات
- فلاح جناح کی اسلام آباد سے مسقط کیلئے پرواز کا آغاز 10 مئی کو ہوگا
- برف پگھلنا شروع؛ امریکی وزیر خارجہ 4 روزہ دورے پر چین جائیں گے
- کاہنہ ہسپتال کے باہر نرس پر چھری سے حملہ
- پاکستان اور نیوزی لینڈ کا پہلا ٹی ٹوئنٹی میچ بارش کے باعث تاخیر کا شکار
- نو منتخب امیر جماعت اسلامی حافظ نعیم نے اپنے عہدے کا حلف اٹھا لیا
- تعصبات کے باوجود بالی وڈ میں باصلاحیت فنکار کو کام ملتا ہے، ودیا بالن
- اقوام متحدہ میں فلسطین کی مستقل رکنیت؛ امریکا ووٹنگ رکوانے کیلیے سرگرم
- راولپنڈی میں گردوں کی غیر قانونی پیوندکاری میں ملوث گینگ کا سرغنہ گرفتار
- درخشاں تھانے میں ملزم کی ہلاکت، سابق ایس پی کلفٹن براہ راست ملوث قرار
- شبلی فراز سینیٹ میں قائد حزب اختلاف نامزد
- جامعہ کراچی ایرانی صدر کو پی ایچ ڈی کی اعزازی سند دے گی
- خیبر پختونخوا میں بیوٹی پارلرز اور شادی ہالوں پر فکسڈ ٹیکس لگانے کا فیصلہ
- سعودی عرب میں قرآنی آیات کی بے حرمتی کرنے والا ملعون گرفتار
- سائنس دان سونے کی ایک ایٹم موٹی تہہ ’گولڈین‘ بنانے میں کامیاب
- آسٹریلیا کے سب سے بڑے کدو میں بیٹھ کر شہری کا دریا کا سفر
- انسانی خون کے پیاسے بیکٹیریا
- ڈی آئی خان میں دہشتگردوں کی فائرنگ سے بچی سمیت 4 کسٹم اہلکار جاں بحق
- سینیٹر مشاہد حسین نے افریقا کے حوالے سے پاکستان کے پہلے تھنک ٹینک کا افتتاح کردیا
- گوگل نے اسرائیل کیخلاف احتجاج کرنے والے 28 ملازمین کو برطرف دیا
ایف بی آرکا سونے کی درآمدپرٹیکس چھوٹ سے انکار
اسلام آباد: فیڈرل بورڈ آف ریونیو(ایف بی آر) نے سونے کی درآمد پر ڈیوٹی و ٹیکسوں کی چھوٹ دینے سے انکار کردیا ہے۔
ذرائع کے مطابق پاکستان جیمز اینڈ جیولری ڈیولپمنٹ کمپنی(پی جی جے ڈی سی) کی جانب سے فیڈرل بورڈ آف ریونیو(ایف بی آر) سے درخواست کی گئی تھی کہ ملک کی جیولری انڈسٹری کے فروغ اور زیورات کی برآمدات میں اضافے کے لیے سونے کی درآمد پر عائد ڈیوٹی و ٹیکسوں کی چھوٹ یا رعایت دی جائے لیکن فیڈرل بورڈ آف ریونیو نے یہ رعایت دینے سے انکار کردیا ہے اور تجویز دی ہے کہ اس کے لیے وزارت تجارت کے ذریعے سمری تیار کرکے کابینہ کی اقتصادی رابطہ کمیٹی(ای سی سی)کو بھجوائی جائے کیونکہ یہ اختیارای سی سی کے پاس ہے اور ای سی سی کی منظوری کے بعد وفاقی کابینہ سے اسکی توثیق کرانا ہوگی۔
ذرائع کا کہنا ہے کہ وزارت صنعت و پیداوار کے ذیلی ادارے پاکستان جیمز اینڈ جیولری ڈیولپمنٹ کمپنی(پی جی جے ڈی سی) نے قیمتی پتھروں سمیت ہیرے جواہرات سونے چاندی کے زیورات کی برآمدات بڑھانے کے لیے جامع ایکسپورٹ پروموشن اسٹریٹجی اینڈ مارکیٹنگ پلان متعارف کرایا ہے مگر فنڈز کی عدم دستیابی اور انڈسٹری کے لیے مطلوبہ سہولتوں کی عدم دستیابی کی وجہ سے اس مارکیٹنگ پلان پر عملدرآمد میں مشکلات کا سامنا ہے۔
اس بارے میں وزارت صنعت و پیداوار نے بھی فنڈز مانگے ہیں مگر انہیں ضرورت کے مطابق فنڈز نہیں مل رہے، دوسری جانب ٹیکسوں و ڈیوٹی کی رعایات درکار ہیں۔ ذرائع کے مطابق ایکسپورٹ ڈیولپمنٹ فنڈ کے 72ویں اجلاس میں پی جی جے ڈی سی کومذکورہ پلان کے لیے فنڈز جاری کرنے کا فیصلہ ہوا تھا مگر اس پر بھی عملدرآمد نہیں ہورہا ہے۔ وزارت تجارت کا کہنا ہے کہ کمپنی کوفنڈز کی فراہمی کے لیے ای ڈی ایف کو سمری بھجوائی جاچکی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔