- پشاور: 32 سال قبل جرگے میں فائرنگ سے نو افراد کا قتل؛ مجرم کو 9 بار عمر قید کا حکم
- امیرِ طالبان کا خواتین کو سرعام سنگسار اور کوڑے مارنے کا اعلان
- ماحول میں تحلیل ہوکر ختم ہوجانے والی پلاسٹک کی نئی قسم
- کم وقت میں ایک لیٹر لیمو کا رس پی کر انوکھے ریکارڈ کی کوشش
- شام؛ ایئرپورٹ کے نزدیک اسرائیل کے فضائی حملوں میں 42 افراد جاں بحق
- انٹربینک اور اوپن مارکیٹ میں ڈالر کے مقابلے میں روپیہ مزید مضبوط
- پی ٹی آئی قانونی ٹیم کا چیف جسٹس اور جسٹس عامر فاروق سے استعفی کا مطالبہ
- اہم چیلنجز کا سامنا کرنے کیلیے امریکا پاکستان کے ساتھ کھڑا رہے گا، جوبائیڈن کا وزیراعظم کو خط
- عالمی اور مقامی مارکیٹوں میں سونے کی قیمت میں بڑا اضافہ ہوگیا
- اسٹاک مارکیٹ میں اتار چڑھاؤ کے بعد مندی، سرمایہ کاروں کے 17ارب ڈوب گئے
- پشاور بی آر ٹی؛ ٹھیکیداروں کے اکاؤنٹس منجمد، پلاٹس سیل کرنے کے احکامات جاری
- انصاف کے شعبے سے منسلک خواتین کے اعداد و شمار جاری
- 2 سر اور ایک دھڑ والی بہنوں کی امریکی فوجی سے شادی
- وزیراعظم نے سرکاری تقریبات میں پروٹوکول کیلیے سرخ قالین پر پابندی لگادی
- معیشت کی بہتری کیلیے سیاسی و انتظامی دباؤبرداشت نہیں کریں گے، وزیراعظم
- تربت حملے پر بھارت کا بے بنیاد پروپیگنڈا بے نقاب
- جنوبی افریقا میں ایسٹر تقریب میں جانے والی بس پل سے الٹ گئی؛ 45 ہلاکتیں
- پاکستانی ٹیم میں 5 کپتان! مگر کیسے؟
- پختونخوا پولیس کیلیے 7.6 ارب سے گاڑیاں و جدید آلات خریدنے کی منظوری
- اسلام آباد ہائیکورٹ نے پی ٹی آئی رہنما کو عمرے پرجانے کی اجازت دے دی
سانحہ مال روڈ میں شہید پولیس اہلکاروں کی نمازجنازہ ادا، لاہورکی فضا سوگوار
لاہور: گزشتہ روڈ مال روڈ پر خودکش حملے میں شہید پولیس اہلکاروں کی نماز جنازہ ادا کردی گئی جب کہ شہر کی سوگوار رہی۔
ایکسپریس نیوزکے مطابق ایلیٹ پولیس ٹریننگ اسکول بیدیاں میں ڈی آئی جی ٹریفک سید احمد مبین، ایس ایس پی زاہد گوندل سمیت دیگر پولیس اہلکاروں کی نماز جنازہ ادا کی گئی، نمازجنازہ میں وزیراعلیٰ پنجاب شہبازشریف، گورنر پنجاب رفیق رجوانہ، کور کمانڈر لاہور لیفٹیننٹ جنرل صادق علی، وزیرقانون پنجاب رانا ثناءاللہ اور دیگراعلیٰ سیاسی، سرکاری اورعسکری شخصیات نے شرکت کی، نمازجنازہ کی ادائیگی کے بعد ڈی آئی جی ٹریفک احمدمبین شہید کیولری گراؤنڈ کے قبرستان میں سپرد خاک کردیا گیا جب کہ دیگر شہدا کے جسد خاکی ایمبولینسوں کے ذریعے ان کے آبائی علاقوں کو روانہ کردیئے گئے۔
سانحہ مال روڈ پرلاہورکی فضا سوگوار رہی، شہر کے تمام چھوٹے بڑے کاروباری مراکز اور تجارتی علاقے بند رہے، پنجاب حکومت کی جانب سے واقعے پرایک روزہ سوگ منایا گیا جس کے تحت صوبے بھرکی تمام سرکاری، نیم سرکاری اوراہم نجی عمارتوں پر قومی پرچم سرنگوں رہا۔ اس کے علاوہ پنجاب بار کونسل کی اپیل پرصوبے بھر کی ماتحت عدالتوں میں وکلا نے یوم سوگ منایا، ماتحت عدالتوں میں وکلا کے پیش نہ ہونے کی وجہ سے ہزاروں مقدمات التوا کا شکار ہوگئے۔
اس خبرکو بھی پڑھیں: سانحہ مال روڈ؛ خود کش حملہ آورکے اعضا فرانزک لیب کو بھجوا دیئے گئے
دوسری جانب لاہور کے مختلف سرکاری اسپتالوں میں سانحے میں زخمی ہونے والوں کا علاج جاری ہے، گنگا رام اسپتال میں 33، میو اسپتال میں 21 اور سروسز اسپتال میں 15 مریض زیر علاج ہیں، جن میں سے بعض کی حالت تشویشناک بتائی جاتی ہے۔ اس کے علاوہ پنجاب پولیس، سی ٹی ڈی اور دیگر حساس ادارے دھماکے کی تحقیقات کررہے ہیں، سی ٹی ڈی اورحساس اداروں کے حکام نے دھماکے کی جگہ سے سیف سٹی کیمروں کی سی سی ٹی وی وڈیو حاصل کرلی ہیں۔
واضح رہے کہ گزشتہ روزپنجاب اسمبلی کے سامنے مال روڈ پرعین اس وقت خودکش حملہ ہوا تھا جب پولیس کے اعلی حکام وہاں احتجاج کرنے والوں سے مذاکرات کررہے تھے، واقعے میں ڈی آئی جی اور ایس ایس پی سمیت 7 پولیس اہلکار اور 6 عام شہری جاں بحق ہوئے تھے جب کہ درجنوں زخمی شہر کے مختلف اسپتالوں میں زیرعلاج ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔