بچپن میں مجھےکئی لوگوں نے جنسی طور پر ہراساں کیا، نادیہ جمیل

کراچی: نامور پاکستانی اداکارہ نادیہ جمیل نے بچپن میں اپنے ساتھ ہونے والے جنسی ہراسانی کے واقعے کو تمام لوگوں کے ساتھ شیئر کرتے ہوئے احساس دلایا ہے کہ بچوں کے ساتھ  جنسی ہراسانی کے واقعات کس قدر تکلیف دہ ہیں اور بچوں کو ان کی وجہ سے کس کرب سے گزرنا پڑتا ہے۔

قصور کی رہائشی ننھی زینب کے ساتھ ہونے والی جنسی زیادتی اور لرزہ خیز قتل نے پوری پاکستانی عوام کو ہلا کر رکھ دیا ہے۔ زینب کے ساتھ ہونے والے اندوہناک حادثے کے باعث پاکستان کی تاریخ میں پہلی بار شوبزو کرکٹ اسٹارز اورسیاستدان ایک پیج پر ہیں اور  زینب کے قاتل کی گرفتاری اور سخت سزا دینے کے مطالبے پر قائم ہیں۔ اس حوالے سے جہاں ماہرہ خان، فیصل قریشی، صنم سعید سمیت متعدد اداکار سڑکوں پر نکل کر احتجاج کررہے ہیں، وہیں شوبز اور فیشن انڈسٹری سے تعلق رکھنےوالے فنکار بھی سوشل میڈیا کے ذریعے بھرپور احتجاج کررہے ہیں۔

اس خبرکوبھی پڑھیں: زینب کے قتل پر شوبز و کرکٹ ستارے بھی اشک بار

پاکستان ڈرامہ انڈسٹری کی خوبصورت اداکارہ نادیہ جمیل بچپن میں جنسی ہراسانی کی تکلیف دہ صورتحال کا سامنا کرچکی ہیں۔ انہوں نے زینب قتل کیس پر آواز بلند کرتے ہوئے اپنے ساتھ ہونےو الے واقعے کے بارے میں ٹوئٹ کرتے ہوئے کہا ’‘انہیں ان کے قاری صاحب، ڈرائیوراور ایک پڑھے لکھے خاندان سے تعلق رکھنے والے لڑکے نے جنسی ہراساں کیا۔ میرا خاندان آج بھی چاہتا ہے کہ میں اپنے ساتھ ہونےوالی زیادتی پر خاموش رہوں لیکن شرمندہ ہونے کی ضرورت مجھے نہیں بالکل بھی نہیں‘‘۔

When I sexually abused it ws by my Kari Sahab, my Driver & then by a highly educated elite families son. Now a happily married business man in London. It’s across the board. Men abuse across the board. My family still wants me to stay silent. But the shame IS NOT MINE! Never ever

— Nadia Jamil (@NJLahori) January 13, 2018

ایک اور ٹوئٹ میں نادیہ نے کہا’’ میں 4 سال کی تھی جب مجھے پہلی بار جنسی طور پر ہراساں کیا گیا اور جب میں کالج میں آئی تو یہ سلسلہ حد سے بڑھ گیا۔ لوگوں نے مجھے اس واقعے کے بارے میں اپنے خاندان کی عزت کے لیے چپ رہنے کے لیے کہا جیسے میرے خاندان کی عزت میرے جسم کے ساتھ منسلک ہے۔ مجھے فخر ہے کہ میں ایک مضبوط اور محبت کرنے والی ہوں۔ مجھے  یا میرے بچوں کو اس بارے میں کوئی شرمندگی نہیں صرف فخر ہے۔ مجھے خود پر فخر ہے۔‘‘

I was 4 the first time I was abused sexually. I was in college when it blew out of proportion.
People tell me not to talk to respect my families honour. Is my families honour packed in my body? I am a proud,strong,loving survivor. No shame on me or my kids. Only pride 4 being me

— Nadia Jamil (@NJLahori) January 13, 2018

نادیہ جمیل نے جنسی ہراسانی اور زیادتی کا شکار ہونے والے ہر بچے کو خود سے منسلک کرتے ہوئے کہا کہ ہر بار جب کوئی بچہ جنسی ہراسانی کا شکار ہوتا ہے مجھے لگتا ہے وہ میں ہوں، میں بچوں کے ساتھ ہونے والی زیادتی پر خاموش نہیں رہ سکتی۔ میں بچوں اور ان  کے والدین سے کہنا چاہتی ہوں کہ آپ کو شرمندہ ہونے کی ضرورت نہیں دراصل شرمندہ ہونے کی ضرورت اس شخص کو ہے جس نے آپ کے ساتھ یہ مکروہ فعل کیا ہے۔

Every time a child is sexually abused he/she is me. I will never shut up about it. & I will always say to the child, the child’s families, you, there is no shame for the abused survivor & we can help lead the to a joyful positive productive life. The shame is on the MEN who abuse

— Nadia Jamil (@NJLahori) January 13, 2018

اس خبرکوبھی پڑھیں: زینب قتل پر صبا قمر پھوٹ پھوٹ کر رو پڑیں

پاکستانی فیشن انڈسٹری سے تعلق رکھنے والی فریحہ الطاف بھی زینب واقعے پر خود کو بولنے سے روک نہ سکیں اور انہوں نے بھی زینب کے ساتھ ہونے والی زیادتی پر احتجاجاً بچپن میں اپنے ساتھ ہونے والے واقعے کے بارے میں بتاتے ہوئے کہا ’’6 سال کی عمر میں مجھے ہمارے گھر کے باورچی (کُک) نے ہراساں کیا، میرے والدین نے اس واقعے کے خلاف ایکشن بھی لیا لیکن سب لوگوں نے ہمیں چپ رہنے کے لیے کہا جیسے یہ میری غلطی ہو اور مجھے اس پر شرمندہ ہونا چاہئے۔ 34 سال کی عمر میں مجھے احساس ہوا ہے کہ یہ واقعہ میری پوری زندگی پر اثرانداز ہوا ہے۔ دراصل شرمندگی چپ رہنے میں ہے۔

I was sexually abused by our cook at age 6. My parents took action but everyone remained silent as if it was my shame. At 34 I realised how it had impacted my life.the only shame is keeping SILENT #ChildAbuse #shame #NoMoreChildAbuse #MeToo #JusticeForZainab #HowToStopChildAbuse

— Frieha Altaf (@FriehaAltaf) January 14, 2018

پاکستان پیپلز پارٹی کی سینیٹر شیری رحمان نے فریحہ الطاف اور نادیہ جمیل کے ساتھ ہوئے اس واقعے پر افسوس کا اظہار کرتے ہوئے کہا ہے کہ جب بھی ایسا کوئی واقعہ ہوتا ہے میرا دل ٹوٹ جاتا ہے، انہوں نے نادیہ جمیل اور فریحہ الطاف کو بہادر خواتین قرار دیتے ہوئے کہا کہ اس واقعے پر بات کرکے اور آواز اٹھا کر آپ دونوں نے بہت ہمت دکھائی ہےاور آپ کے اس عمل سے زیادتی کا شکار ہونےوالے ہر فرد کو بہت حوصلہ ملے گا۔