- پختونخوا؛ مسلسل بارشوں کی وجہ سے کئی اضلاع میں 30 اپریل تک طبی ایمرجنسی نافذ
- پختونخوا؛ سرکاری اسکولوں میں کتب کی عدم فراہمی، تعلیمی سرگرمیاں معطل
- موٹر وے پولیس کی کارروائی، کروڑوں روپے مالیت کی منشیات برآمد
- شمالی کوریا کا کروز میزائل لیجانے والے غیرمعمولی طورپربڑے وارہیڈ کا تجربہ
- پاکستان اور نیوزی لینڈ کے درمیان دوسرا ٹی20 آج کھیلا جائے گا
- بابر کو ماضی کی غلطیوں سے سبق سیکھنے کا مشورہ
- موبائل فون صارفین کی تعداد میں 37 لاکھ کی ریکارڈ کمی
- گیلپ پاکستان سروے، 84 فیصد عوام ٹیکس دینے کے حامی
- ایکسپورٹ فیسیلی ٹیشن اسکیم کے غلط استعمال پر 10کروڑ روپے جرمانہ
- معیشت2047 تک 3 ٹریلین ڈالر تک بڑھنے کی صلاحیت رکھتی ہے، وزیر خزانہ
- پٹرولیم ایکسپلوریشن اینڈ پروڈکشن کمپنیوں نے سبسڈی مانگ لی
- پاکستان کی سعودی سرمایہ کاروں کو 14 سے 50 فیصد تک منافع کی یقین دہانی
- مشرق وسطیٰ کی بگڑتی صورتحال، عالمی منڈی میں خام تیل 3 ڈالر بیرل تک مہنگا
- انٹرنیشنل کرکٹ میں واپسی پر محمد عامر کے ڈیبیو جیسے احساسات
- کُتا دُم کیوں ہلاتا ہے؟ سائنسدانوں کے نزدیک اب بھی ایک معمہ
- بھیڑوں میں آپس کی لڑائی روکنے کیلئے انوکھا طریقہ متعارف
- خواتین کو پیش آنے والے ماہواری کے عمومی مسائل، وجوہات اور علاج
- وزیر خزانہ کی چینی ہم منصب سے ملاقات، سی پیک کے دوسرے مرحلے میں تیزی لانے پر اتفاق
- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
میاں صاحب اپنے گھر کی بہو کیلیے کمیٹی کب بنائیں گے، عائشہ احد
لاہور: حمزہ شہباز کی بیوی کا دعویٰ کرنے والی عائشہ احد کا کہنا ہے کہ عائشہ گلالئی کیلیے پارلیمانی کمیٹی تو بنا دی لیکن میاں صاحب اپنی گھر کی بہو کے لیے کمیٹی کب بنائیں گے۔
لاہور پاکستان تحریک انصاف کی رہنماؤں فردوس عاشق اعوان اور یاسمین راشد کے ہمراہ پریس کانفرنس کرتے ہوئے عائشہ احد نے نواز شریف کو مخاطب کرتے ہوئے کہا کہ میاں صاحب اپنی گھر کی بہو کے لیے کمیٹی کب بنائیں گے، ایک پارلیمانی کمیٹی خان صاحب اور عائشہ گلالئی کے لیے بنائی گئی ہے، دوسری کمیٹی میرے اور حمزہ شہباز کے لیے بنائی جائے اور میرے کیس میں بھی شفاف تحقیقات ہونی چاہیئے۔
عائشہ احد کا کہنا تھا کہ کیا میں کسی کی بہن، بیٹی نہیں جب کہ میرے پاس بھی سب کے میسجز موجود ہیں اور حمزہ کے خلاف میرے پاس ثبوت ہیں جو لے کر الیکشن کمیشن جا رہی ہوں۔ انہوں نے کہا کہ ہمارے معاملات کا شہباز شریف، نوازشریف اور کلثوم نواز کو بھی پتا ہے جب کہ گزشتہ 7 سال سے عدالتوں کے چکر لگا رہی ہوں۔
انہوں نے کہا کہ 2010 میں میری شادی حمزہ شہباز سے ہوئی جب کہ حمزہ شہباز صادق اور امین نہیں ہیں اور (ن) لیگ والے کس طرح خواتین کی عزت کی بات کر رہے ہیں، (ن) لیگ کے کارکنوں کے ذریعے مجھ پر تشدد کروایا گیا۔ انہوں نے کہا کہ میں کسی سیاسی جماعت کا حصہ نہیں اور نہ میں نے پیسے کی ڈیمانڈ کی ہے۔
دوسری جانب پی ٹی آئی رہنما فردوس عاشق اعوان نے کہا کہ قانون سب کے لیے یکساں ہونا چاہیئے، اگر عائشہ گلا لئی کے معاملے پر پارلیمانی کمیٹی بن سکتی ہے تو پھر عائشہ احد کے معاملے پر بھی بننی چاہیئے تاکہ دودھ کا دودھ اور پانی کا پانی ہو سکے۔
ادھر حمزہ شہباز شریف کے ترجمان نے عائشہ احد کی پریس کانفرنس کو جھوٹ کا پلندہ قرار دیتے ہوئے کہا کہ یہ جوابی کارروائی کےسوا کچھ نہیں اور ایسی کارروائیاں گلالئی کےعمران خان پر الزامات سے عوام کی توجہ نہیں ہٹا سکتیں جب کہ عمران خان اخلاقی دیوالیہ پن کا شکار ہوچکے ہیں، پی ٹی آئی جوابی الزامات کے بجائے اپنے لیڈر سے بے گناہی ثابت کرنے کی اپیل کرے۔
ترجمان کے مطابق عائشہ احدکا کردار پی ٹی آئی نے گزشتہ الیکشن میں پس پردہ رہ کر تخلیق کیا اور ان کے الزامات بے بنیاد تھے جس کی سرعام تردید کی اور عائشہ احد کے سرپرست کیس کو 2012 میں عدالت میں لے کر گئے مگر عدالت اُس کیس میں حمزہ شہباز کو 2014 میں بری الذمہ قرار دے چکی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔