- ضمنی انتخابات میں پاک فوج اور سول آرمڈ فورسز کو تعینات کرنے کی منظوری
- خیبرپختوا میں گھر کی چھت گرنے کے واقعات میں دو بچیوں سمیت 5 افراد زخمی
- درجہ بندی کرنے کیلئے یوٹیوبر نے تمام امریکی ایئرلائنز کا سفر کرڈالا
- امریکی طبی اداروں میں نسلی امتیازی سلوک عام ہوتا جارہا ہے، رپورٹ
- عمران خان کا چیف جسٹس کو خط ، پی ٹی آئی کو انصاف دینے کا مطالبہ
- پہلی بیوی کی اجازت کے بغیر دوسری شادی، شوہر کو تین ماہ قید کا حکم
- پشاور میں معمولی تکرار پر ایلیٹ فورس کا سب انسپکٹر قتل
- پنجاب میں 52 غیر رجسٹرڈ شیلٹر ہومز موجود، یتیم بچوں کا مستقبل سوالیہ نشان
- مودی کی انتخابی مہم کو دھچکا، ایلون مسک کا دورہ بھارت ملتوی
- بلوچستان کابینہ نے سرکاری سطح پر گندم خریداری کی منظوری دیدی
- ہتھیار کنٹرول کے دعویدارخود کئی ممالک کو ملٹری ٹیکنالوجی فراہمی میں استثنا دے چکے ہیں، پاکستان
- بشریٰ بی بی کا عدالتی حکم پر شفا انٹرنیشنل اسپتال میں طبی معائنہ
- ویمن ون ڈے سیریز؛ پاک ویسٹ انڈیز ٹیموں کا کراچی میں ٹریننگ سیشن
- محکمہ صحت پختونخوا نے بشریٰ بی بی کے طبی معائنے کی اجازت مانگ لی
- پختونخوا میں طوفانی بارشوں سے ہلاکتیں 48 ہوگئیں، 70 زخمی
- امریکا کسی جارحانہ کارروائی میں ملوث نہیں، وزیر خارجہ
- پی آئی اے کا یورپی فلائٹ آپریشن کیلیے پیرس کو حب بنانے کا فیصلہ
- بیرون ملک ملازمت کی آڑ میں انسانی اسمگلنگ گینگ سرغنہ سمیت 4 ملزمان گرفتار
- پاکستان کےمیزائل پروگرام میں معاونت کا الزام، امریکا نے4 کمپنیوں پرپابندی لگا دی
- جرائم کی شرح میں اضافہ اور اداروں کی کارکردگی؟
لوگ مجھے مادھوری سے زیادہ خوبصورت کہتے ہیں، مادھوری کی ہم شکل کا بیان
ممبئی: نامور بالی ووڈ اداکارہ مادھوری ڈکشٹ سے بےتحاشہ مشابہت رکھنے والی ٹی وی ایکٹریس نکی انیجا والیا نے ایک انٹرویو میں کہا ہے کہ وہ ہمیشہ سنتی ہیں کہ وہ مادھوری سے زیادہ خوبصورت ہیں۔
جانداراداکاری اوردلکش مسکراہٹ کے باعث کروڑوں دلوں پر راج کرنے والی بالی ووڈ کی دھک دھک گرل مادھوری ڈکشٹ کا شمار بھارتی فلم انڈسٹری کی خوبصورت اداکاراؤں میں ہوتا ہے۔ تقریباً 50 سال عمر ہونے کے باوجود مادھوری کی خوبصورتی کا مقابلہ آج تک بالی ووڈ کی کوئی اوراداکارہ نہیں کرسکی ہے تاہم مادھوری ڈکشٹ سے بے تحاشہ مشابہت رکھنے والی ٹی وی اداکارہ نکی انیجا والیا کا کہنا ہے کہ وہ مادھوری سے زیادہ خوبصورت ہیں۔
اس خبرکوبھی پڑھیں: مادھوری ڈکشٹ بننے کے خواب دیکھتی تھی،ماہرہ خان
بھارتی ڈراموں کو پسند کرنے والوں کے لیے نکی انیجا کانام نیا نہیں ہے، نکی بھارتی ٹی وی کے مقبول ترین ڈرامہ سیریل ’’بات بن جائے گی‘‘،’’ انداز‘‘،’’ سی ہوکس‘‘ اور’’گھر والی اوپروالی‘‘میں کام کرچکی ہیں لیکن انہیں مقبولیت اداکاری سے نہیں بلکہ ڈانسنگ کوئین مادھوری ڈکشٹ سے بےتحاشہ مشابہت کے باعث ملی۔
حال ہی میں ایک انٹرویو کے دوران جب ان سے مادھوری ڈکشٹ کے حوالے سے سوال پوچھا گیا تو انہوں نے مسکراتے ہوئے کہا کہ میرا اور مادھوری ڈکشٹ کا ہمیشہ موازنہ کیا جاتا ہے اور میں اسے تعریف کے طور پر لیتی ہوں۔ مجھے اچھا لگتا ہے جب لوگ میرا اور مادھوری کا موازنہ کرتے ہیں۔ انہوں نے ہنستے ہوئے کہا ’’ میں نے کچھ لوگوں کو کہتے سنا ہے کہ میں مادھوری ڈکشٹ سے زیادہ خوبصورت ہوں‘‘۔
نکی انیجا نے ماضی کا ایک دلچسپ قصہ سناتے ہوئے کہا کہ کئی سال پہلے میں کسی ایوارڈ فنکشن میں شرکت کرنے کے لیے دہلی جارہی تھی مادھوری بھی اس تقریب میں مدعو تھیں اور فلم ’’دل توپاگل ہے‘‘میں بہترین اداکارہ کے لیے نامزد تھیں۔ دلچسپ بات یہ ہے کہ ہم دونوں ایک ہی فلائٹ سے دہلی جارہے تھے مادھوری اپنی والدہ کے ساتھ جہاز میں تھیں اورمیں اپنی والدہ کے ساتھ اور ہم چاروں نے پورے راستے صرف اسی بات پر تبادلہ خیال کیا کہ میری اور مادھوری کی شکلیں آپس میں بہت زیادہ ملتی ہیں۔
مادھوری ڈکشٹ نےمجھ سے کہا کہ لوگ آپ کاموازنہ مجھ سے کرتے ہیں اورمیں نے کہا میرا موازنہ آپ سے کیا جاتا ہے اس موقع پر فوراً میری ماں نے اپنی رائے کا اظہار کرتے ہوئے کہا میری آنکھیں مادھوری ڈکشٹ سے زیادہ بڑی اورخوبصورت ہیں اور میرا قد بھی مادھوری سے زیادہ لمبا ہےاورمیں مادھوری سے زیادہ خوبصورت ہوں۔ یہ سن کرمادھوری اوران کی والدہ حیران رہ گئیں۔ لیکن جو تعریف مجھے سب سے زیادہ پسند آئی وہ یہ تھی کہ ہم دونوں کی مسکراہٹ اورعادتیں ایک دوسرے سے بہت زیادہ ملتی ہیں۔
اس خبرکوبھی پڑھیں: مادھوری ڈکشٹ نے زندگی کی نئی اننگز کا آغازکردیا
واضح رہے کہ نکی فلموں میں تو کوئی بڑا کردار حاصل نہ کرسکیں تاہم ٹی وی کی جانی پہچانی شخصیت ہیں۔ حال ہی میں نکی بھارتی ٹی وی کے شو’’دل سنبل جا ذرا‘‘میں نظر آرہی ہیں۔ اس ڈرامے میں بالی ووڈ اداکارانیل کپور کے چھوٹے بھائی سنجے کپور بھی مرکزی کردارادا کررہے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔