پینٹاگون کے ٹرمپ سے استعفٰے کے مطالبے پرامریکا میں ہلچل مچ گئی

 واشنگٹن: امریکی محکمہ دفاع پنٹاگون  نے حادثاتی طور پر ایک ٹوئٹ کو فاروڈ کردیا جس میں اپنے ہی ملک کے صدر ڈونلڈ ٹرمپ سے مستعفی ہونے کا مطالبہ کیا گیا تھا۔

بین الاقوامی میڈیا رپورٹس کے مطابق ٹرمپ مخالف ٹوئٹر صارف نے اپنے ٹوئٹرپیغام میں جنسی ہراسانی میں ملوث امریکی وزراء سے مستعفی ہونے کا مطالبہ کیا اور اس ٹوئٹ میں جنسی اسکینڈل میں ملوث وزراء کے ساتھ ساتھ امریکی صدر ڈونلڈٹرمپ سے بھی صدارت سے استعفٰی دینے کا مطالبہ کیا گیا۔

The Defense Department's official Twitter account — @deptofdefense — retweeted a comment saying Trump should resign. It's since been unretweeted pic.twitter.com/bLA8QAo4Sc

— Dave Brown (@dave_brown24) November 16, 2017

حیران کن طور پر پنٹاگون کے سوشل میڈیا نے پڑھے بغیر غلطی سے اس ٹوئٹ کو ری ٹوئٹ کردیا جو اس اکاؤنٹ کے 51لاکھ فالوورز  تک پہنچ گئی جس سے سوشل میڈیا پر زبردست ہلچل مچ گئی۔صارفین کا ردعمل آتے ہی پنٹاگون نے مذکورہ ٹوئٹ کو ڈیلیٹ کردیا تاہم اس دوران صارفین نے ٹوئٹ کا اسکرین شارٹ محفوظ کرلیا ۔

پنٹاگون کی ترجمان ڈانا وائٹ نےغلطی پر وضاحت کرتے ہوئے کہا کہ مجاز آپریٹر کی جانب سے حادثی طور پر ری ٹوئٹ کے متن کی محکمہ دفاع تائید نہیں کرتا،آپریٹر نے غلطی کی نشاندہی ہوتے ہی مذکورہ ٹوئٹ کو ڈیلیٹ کردیا ہے۔

An authorized operator of the @DeptofDefense’s official Twitter site erroneously retweeted content that would not be endorsed by the Department of Defense. The operator caught this error and immediately deleted it.

— Dana W. White – DoD (@ChiefPentSpox) November 16, 2017

یہ خبر بھی پڑھیں: ٹوئٹر کے ملازم نے ڈونلڈ ٹرمپ کا اکاؤنٹ بند کردیا

واضح رہے کہ چند روز قبل ٹوئٹر کے ایک ملازم نے اپنی نوکری کے آخری روز امریکی صدر ڈونلڈٹرمپ کا ٹوئٹر اکاؤنٹ بند کردیا تھا جو 11منٹ کی بندش کے بعد بحال ہوگیا تھا۔