- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گذشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
- ایل ڈی اے نے 25 ہاﺅسنگ سوسائٹیوں کے پرمٹ اور مجوزہ لے آﺅٹ پلان منسوخ کردیے
- امریکا نے اقوام متحدہ میں فلسطین کی مستقل رکنیت کی قرارداد ویٹو کردی
- وزیراعظم کا اسمگلنگ کے خاتمے کے لیے ملک گیر مہم تیز کرنے کا حکم
- جی-7 وزرائے خارجہ کا اجلاس؛ غزہ میں جنگ بندی کا مطالبہ
- پنڈی اسٹیڈیم میں بارش؛ بھارت نے چیمپیئنز ٹرافی کی میزبانی پر سوال اٹھادیا
- اس سال ہم بھی حج کی نگرانی کرینگے شکایت ملی تو حکام کو نہیں چھوڑیں گے، اسلام آباد ہائیکورٹ
- بشریٰ بی بی کو کھانے میں ٹائلٹ کلینر ملا کر دیا گیا، عمران خان
سبزی سستی، ہفتہ وار افراط زر میں 0.88 فیصد کمی
کراچی: ملک میں ٹماٹر اور پیاز کی قیمتوں میں نمایاں کمی کے نتیجے میں حساس قیمتوں کے اشاریے (ایس پی آئی) پر مبنی ہفتہ وار افراط زر کی شرح 0.88 فیصد گرگئی تاہم سالانہ بنیادوں پر مہنگائی کی شرح میں 2.32 فیصد کا اضافہ ہوا۔
پاکستان بیوروشماریات کی جانب سے جاری کردہ اعدادوشمار کے مطابق 16 نومبر کو ختم ہونے والے ہفتے کے دوران ملک میں ٹماٹر کے اوسط نرخ ہفتہ وار بنیادوں پر20.30 فیصد (24.79روپے) کمی سے 97.35 روپے فی کلو گرام رہ گئے جو ایک ہفتے قبل 122.14 روپے تھے، پیاز کے نرخ بھی 84.78 روپے سے 16.05 فیصد (13.61روپے) گھٹ کر 71.17 روپے فی کلو گرام رہ گئے۔
اس کے علاوہ دال ماش2.79 فیصد کی کمی سے 167.81 روپے فی کلو اور آلو 1.97 فیصد کمی سے 41.88 روپے فی کلو ہوگئے جبکہ دال مونگ0.91 فیصداور دال مسور0.76فیصد، لہسن0.74 فیصد، چینی 0.56 فیصد اور دال چنا 0.09 فیصد سستی ہوگئی، مجموعی طور پر 9اشیا کے نرخ کم ہوئے تاہم اس کے برعکس 20 اشیا کی قیمتوں میں اضافہ ہوا مگر یہ نسبتاً محدود رہا جس کی وجہ سے ان اشیا کی قیمتوں میں اضافے کے اثرات زائل ہو گئے۔
ان اشیا میں سب سے زیادہ اضافہ برائلر زندہ مرغی کی قیمتوں میں ہوا، برائلر مرغی کے نرخ اوسطاً 3.88 فیصد کے اضافے سے 126.68 روپے کلو ہوگئے جو ایک ہفتے قبل 121.95 روپے تھے، اسی طرح ایل پی جی کا گھریلو سلنڈر 1.44 فیصد اضافے کے نتیجے میں اب ملک میں 1216.25 روپے کے بجائے اوسطاً 1233.75 روپے میں دستیاب ہے، اوسط درجے کے ہوٹل کا پکا ہوا بیف 1.20 فیصد بڑھ کر 99.27 روپے فی پلیٹ ہوگیا، گندم کے نرخ بھی 1.02 فیصد کے اضافے سے 337.38 روپے فی 10 کلو گرام ہوگئے جبکہ انڈے کی اوسط قیمت بھی0.52 فیصد بڑھ کر 137.41 روپے درجن ہوگئی۔
علاوہ ازیں بکرے کا گوشت 0.41 فیصد، انرجی سیور(14واٹ) 0.35 فیصد، کیلے 0.32 فیصد، آٹا0.31 فیصد، جلانے کی لکڑی0.24 فیصد، خشک دودھ0.16 فیصد، سرخ مرچ پسی ہوئی (کھلی) 0.14 فیصد، گڑ 0.14 فیصد، ویجیٹیبل گھی (کھلا/تھیلی)0.08 فیصد، سرسوں کا تیل 0.08 فیصد، ویجیٹیبل گھی (ٹن)0.06 فیصد، پکانے کا تیل (ٹن)0.06 فیصد، اری 6 چاول 0.04 فیصد، سادہ ڈبل روٹی (درمیانی)0.02 فیصد اور باسمتی ٹوٹا چاول 0.01 فیصد مہنگا ہوگیا جبکہ 24اشیا کے نرخوں میں استحکام رہا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔