- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
- ایل ڈی اے نے 25 ہاﺅسنگ سوسائٹیوں کے پرمٹ اور مجوزہ لے آﺅٹ پلان منسوخ کردیے
- امریکا نے اقوام متحدہ میں فلسطین کی مستقل رکنیت کی قرارداد ویٹو کردی
- وزیراعظم کا اسمگلنگ کے خاتمے کے لیے ملک گیر مہم تیز کرنے کا حکم
- جی-7 وزرائے خارجہ کا اجلاس؛ غزہ میں جنگ بندی کا مطالبہ
- پنڈی اسٹیڈیم میں بارش؛ بھارت نے چیمپیئنز ٹرافی کی میزبانی پر سوال اٹھادیا
- اس سال ہم بھی حج کی نگرانی کرینگے شکایت ملی تو حکام کو نہیں چھوڑیں گے، اسلام آباد ہائیکورٹ
- بشریٰ بی بی کو کھانے میں ٹائلٹ کلینر ملا کر دیا گیا، عمران خان
- عمران خان اور بشریٰ بی بی کی درخواستیں منظور، طبی معائنہ کروانے کا حکم
- حملے میں کوئی نقصان نہیں ہوا، تمام ڈرونز مار گرائے؛ ایران
- 25 برس مکمل، علیم ڈار دنیائے کرکٹ کے پہلے امپائر بن گئے
- قومی اسمبلی: جمشید دستی اور اقبال خان کے ایوان میں داخلے پر پابندی
- کراچی میں غیرملکیوں کی گاڑی پر حملہ، خودکش بمبار کی شناخت
- مولانا فضل الرحمٰن کو احتجاج کرنا ہے تو کے پی میں کریں ، بلاول بھٹو زرداری
- کراٹے کمبیٹ 45؛ شاہ زیب رند نے ’’بھارتی کپتان‘‘ کو تھپڑ دے مارا
- بلوچستان کابینہ کے 14 وزراء نے حلف اٹھا لیا
- کینیا؛ ہیلی کاپٹر حادثے میں آرمی چیف سمیت 10 افسران ہلاک
- قومی و صوبائی اسمبلی کی 21 نشستوں کیلیے ضمنی انتخابات21 اپریل کو ہوں گے
- انٹرنیٹ بندش کا اتنا نقصان نہیں ہوتا مگر واویلا مچا دیا جاتا ہے، وزیر مملکت
نئی 5 سالہ قومی حقوق دانش حکمت عملی تیاری
اسلام آباد: وفاقی حکومت نے نئی 5سالہ قومی حقوق دانش حکمت عملی تیار کرلی ہے جس کا مقصد ملک میں حقوق دانش کی صورتحال کو مزید بہتر اور موثر بناناہے۔
وزارت تجارت و ٹیکسٹائل کے ذیلی ادارے ادارہ حقو ق دانش(آئی پی او) نے 2018 تا 2023 تک 5 سالہ حکمت عملی تیارکی ہے تاکہ بین الاقوامی ذمے داریوں اور قومی ضروریات سے متوازن انداز میں نمٹناہے تاکہ تمام پہلووں پر یکساں توجہ دی جا سکے۔ دستاویز کے مطابق 5 سالہ حکمت عملی کے بنیادی مقاصد میں حقوق دانش کا بہترین انتظام، حقوق دانش کی رجسٹریوں کی بہترین سروس ڈلیوری کے لیے موثر ذرائع کا استعمال حقوق دانش کے قوانین میں ترامیم، حقوق دانش قوانین کا نفاذ اور ملک کے قومی مفاد میں حقوق دانش کے معاہدوں کے ساتھ الحاق شامل ہے۔
حقوق دانش پالیسی قومی سطح پر تحقیقی امور کی ترقی کاروباری سرگرمیوں کے پھیلاؤ اور تجارت اور برآمدات کی ترقی سمیت دیگر اہم شعبوں میں اپنا کردار وضع کرنے کے لیے ضروری ہے۔ دستاویز کے مطابق مشاورت کے بعد قومی حقوق دانش پالیسی کا ابتدائی مسودہ تیار کر لیاگیاہے جو جلد ہی منظوری اور عمل درآمد کے لیے وفاقی کابینہ کو بھجوا دیاجائے گا۔ قومی حقوق دانش پالیسی مرتب ہونے سے اقتصادی ترقی کو فروغ حاصل ہوگا اور براہ راست غیر ملکی سرمایہ کاری لانے کے ساتھ ساتھ مصنوعات میں جدت لانے اور برآمد کے قابل حقوق دانش مصنوعات پیدا کرنے میں مدد دے گی۔
دستاویز کے مطابق حکمت عملی کی تیاری کے ساتھ ساتھ آئی پی اور نے ایف آئی اے، پولیس اور کسٹمز کے فیلڈ افسران کے لیے گائیڈلائنز کی تیاری کا کام مکمل کرلیاگیاہے اور گائیڈ لائنز کی تیاری کے سلسلے میں تمام شراکت داروں سے مشاورت بھی کی گئی۔ ان گائیڈلائنز کا مقصد کاپی رائٹس کی خلاف ورزیوں کے مسائل سے نمٹنے کے لیے اداروں کے لیے حدود متعین کرناہے۔
ادارہ حقوق دانش پاکستان نے ٹریڈ ریلیٹڈ ٹیکنیکل اسسٹنٹ پروگرام (ٹی آرٹی اے) کے تحت یورپی یونین عالمی ادارہ حقوق دانش اور وزارت انفارمیشن ٹیکنالوجی کے تعاون سے حقوق دانش رجسٹریوں کی آن لائن رجسٹریشن بھی شروع کر دی ہے اور حقوق دانش کے درخواستوں کے ساٹھ لاکھ صفحات کو کمپیوٹرائز کرنے کا کام مکمل کرلیا گیا ہے۔
دستاویز کے مطابق آئی پی او پاکستان نے آئی پی سروس رولز کا مسودہ بھی تیار کرلیاہے جس کو ضروری منظوری کے لیے آئی پی او پالیسی بورڈ کو بھیجا جائے گا جبکہ ان قوانین کو نوٹیفکیشن کے لیے وفاقی حکومت کو بھی بھجوا دیا گیا ہے۔ دستاویز کے مطابق آئی پی او کی جانب سے نیشنل انٹیلیچکوئل پراپرٹی رائٹس اسٹرٹیجی کو مرتب کرنے کا کام جاری ہے اور جلد ہی یہ پالیسی بھی مکمل ہوجائے گی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔