قومی ٹیم آئندہ دو سال بھی جیتنے کی صلاحیت نہیں رکھتی، سیکرٹری پی ایچ ایف

اسپورٹس رپورٹر  پير 20 نومبر 2017
قومی ٹیم کی ناقص کارکردگی کا دفاع نہیں کر سکتا،شہباز سینئر،فوٹو:فائل

قومی ٹیم کی ناقص کارکردگی کا دفاع نہیں کر سکتا،شہباز سینئر،فوٹو:فائل

 لاہور: سیکرٹری پاکستان ہاکی فیڈریشن شہباز احمد سینئر نے ٹیم کی ناقص کارکردگی پر ہاتھ کھڑے کر دیئے۔

لاہور میں میڈیا سے گفتگو کرتے ہوئے انہوں نے کہا کہ قومی ٹیم کی ناقص کارکردگی کا دفاع نہیں کر سکتا، کھلاڑی پروفیشنل کمٹمنٹس کی بجائے لیگز کو ترجیح دیتے ہیں، موجودہ ٹیم آئندہ دو سال بھی جیتنے کی صلاحیت نہیں رکھتی، کوئی توقعات وابستہ نہ کی جائیں۔

سیکرٹری پی ایچ ایف نے مزید کہا کہ میں نے کبھی بھی ٹیم کی جیت کے دعوے نہیں کیے، کوشش ہے کہ ٹیم اگلے سال بہتر کارکردگی دکھا سکے، ایشین گیمز ہدف ہیں، جیتیں گے تو فتوحات کا سلسلہ شروع ہو گا۔ انہوں نے کہا کہ مجھے غیر ملکی دورے کرنے کا شوق نہیں ہے، لیگ کے سلسلے میں نیوزی لینڈ گیا تھا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔