- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
- کراچی: ڈی آئی جی کے بیٹے کی ہوائی فائرنگ، اسلحے کی نمائش کی ویڈیوز وائرل
متاثرین عباس ٹاؤن کی بحالی کیلئے ہر ممکن اقدام کرینگے، قائم علی شاہ
کراچی: وزیر اعلیٰ سندھ سید قائم علی شاہ نے کہا ہے کہ سندھ حکومت سانحہ عباس ٹاؤن کے لواحقین کے غم میں برابر کی شریک ہے۔
یہ تاثر غلط ہے کہ حکومت نے انھیں تنہا چھوڑدیا ہے ،حکومت متاثرین کی مکمل بحالی اور قاتلوں کی گرفتاری کے لیے ہرممکنہ اقدامات کرے گی ، انھوں نے ان خیالات کا اظہار علامہ امین شہیدی ، علامہ صادق رضا تقوی ، ناصرعباس شیرازی ، اصغرعباس زیدی اور صابر کربلائی پر مشتمل مجلس وحدت مسلمین کے وفدسے ملاقات کے دوران کیا، وزیر اعلی سندھ کا کہنا تھا کہ دہشت گردی اور انتہاپسندی کے خلاف پوری قوم کو ملکر لڑنا ہوگا ، عباس ٹاؤن کا سانحہ انتہائی افسوسناک ہے لیکن متاثرین کو یقین دلاتے ہیں کہ سندھ حکومت ان کے ساتھ کھڑی ہے اور ان کو تنہا نہیں چھوڑیں گے ۔
وزیر اعلی کا کہنا تھا کہ کچھ لوگوں نے اس سانحہ پر بھی سیاسی پوائنٹ اسکورنگ کی کوشش کی ، وزیر اعلی سندھ کا کہنا تھا کہ اسپتالوں میں مریضوں کے علاج معالجہ اور شہدا کے لواحقین اور متاثرین کیلیے فوری اقدامات کیے گئے ہیں ، انھوں نے کہا کہ صدر مملکت کی ہدایت پر متاثرین کو آئندہ چند روز میں باقاعدہ تعمیر شدہ فلیٹوں کی چابیاں دی جائیں گی جبکہ شہدا کے لواحقین میں سے کسی ایک فرد کو الیکشن کمیشن کی اجازت سے سرکاری نوکری دی جائے گی۔ علامہ امین شہیدی نے کہا کہ حکومت دہشت گردی کے ان اقدامات کی روک تھام کے لیے فوری طور پر قاتلوں کو گرفتار اورکالعدم جماعتوں کے خلاف کارروائی کرے ۔
جب تک حکومت کی جانب سے عملی اقدامات نظر نہیں آئیں گے اس وقت تک عوام مطمئن نہیں ہوں گے۔ وزیر اعلی سندھ نے مجلس وحدت مسلمین کے مطالبات کی تکمیل کیلیے سید فیصل رضا عابدی کی نگرانی میں کمیٹی تشکیل دیدی جس میں مجلس وحدت مسلمین کے علامہ صادق رضا تقوی ، سید نوازش رضا ، سید اصغر عباس زیدی اور صابر کربلائی شامل ہیں جبکہ پیپلزپارٹی کی طرف سے راشد ربانی ، وقار مہدی اور اعظم عباس ہوں گے۔ اجلاس میں ایک کمیٹی تشکیل دی گئی جو کہ فلیٹوں کے مالکان کی تصدیق کریگی جن میں سید نوازش رضا، علامہ صادق رضا تقوی، صابر کربلائی، فیصل رضا عابدی اور اعظم عباس شامل ہیں۔
علاوہ ازیں وزیر اعلیٰ نے سنی تحریک کے مرکزی دفتر میں سربراہ سنی تحریک ثروت اعجاز قادری سے ملاقات کی، ملاقات کے بعد میڈیا سے گفتگو کرتے ہوئے انھوں نے کہا کہ دہشت گردی کے خاتمے کیلیے تمام سیاسی جماعتوں کو ملکر جدوجہد کرنا ہوگی۔وزیراعلیٰ نے کہا کہ ہمارے سنی تحریک کے ساتھ پرانے مراسم ہیں اور2008کے الیکشن میں بھی ہم یہاں آئے تھے۔ سنی تحریک کے سربراہ ثروت اعجاز قادری نے کہا کہ آج کی ملاقات میں ملک کی موجودہ صورتحال اور دہشت گردی کی حالیہ لہر کے حوالے سے بھی بات چیت ہوئی ہے ۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔