- شام؛ ایئرپورٹ کے نزدیک اسرائیل کے فضائی حملوں میں 42 افراد جاں بحق
- انٹربینک اور اوپن مارکیٹ میں ڈالر کے مقابلے میں روپیہ مزید مضبوط
- پی ٹی آئی قانونی ٹیم کا چیف جسٹس اور جسٹس عامر فاروق سے استعفی کا مطالبہ
- اہم چیلنجز کا سامنا کرنے کیلیے امریکا پاکستان کے ساتھ کھڑا رہے گا، جوبائیڈن کا وزیراعظم کو خط
- عالمی اور مقامی مارکیٹوں میں سونے کی قیمت میں بڑا اضافہ ہوگیا
- اسٹاک مارکیٹ میں اتار چڑھاؤ کے بعد مندی، سرمایہ کاروں کے 17ارب ڈوب گئے
- پشاور بی آر ٹی؛ ٹھیکیداروں کے اکاؤنٹس منجمد، پلاٹس سیل کرنے کے احکامات جاری
- انصاف کے شعبے سے منسلک خواتین کے اعداد و شمار جاری
- 2 سر اور ایک دھڑ والی بہنوں کی امریکی فوجی سے شادی
- وزیراعظم نے سرکاری تقریبات میں پروٹوکول کیلیے سرخ قالین پر پابندی لگادی
- معیشت کی بہتری کیلیے سیاسی و انتظامی دباؤبرداشت نہیں کریں گے، وزیراعظم
- تربت حملے پر بھارت کا بے بنیاد پروپیگنڈا بے نقاب
- جنوبی افریقا میں ایسٹر تقریب میں جانے والی بس پل سے الٹ گئی؛ 45 ہلاکتیں
- پاکستانی ٹیم میں 5 کپتان! مگر کیسے؟
- پختونخوا پولیس کیلیے 7.6 ارب سے گاڑیاں و جدید آلات خریدنے کی منظوری
- اسلام آباد ہائیکورٹ نے پی ٹی آئی رہنما کو عمرے پرجانے کی اجازت دے دی
- مشترکہ مفادات کونسل کی تشکیل نو، پہلی بار وزیر خزانہ کی جگہ وزیر خارجہ شامل
- پنجاب گرمی کی لپیٹ میں، آج اور کل گرج چمک کیساتھ بارش کا امکان
- لاہور میں بچے کو زنجیر سے باندھ کر تشدد کرنے کی ویڈیو وائرل، ملزمان گرفتار
- پشاور؛ بس سے 2 ہزار کلو سے زیادہ مضر صحت گوشت و دیگر اشیا برآمد
رینالٹ گاڑیوں کی پاکستان میں تیاری کیلیے معاہدہ
کراچی: فرانسیسی گروپ رینالٹ اور الفطیم نے پیر کو پاکستان میں رینالٹ گاڑیوں کی اسمبلی اور ڈسٹری بیوشن کے معاہدوں پر دستخط کردیے۔
اس موقع پر رینالٹ گروپ کے سینئر نائب صدر و چیئر مین برائے افریقہ، مشرق وسطی انڈیا ریجن فیبرس کیمبالیو نے کہا کہ ہماری کوشش ہے کہ ہم پاکستان کے صارفین کواپنی جدید ترین مصنوعات اور کٹنگ ایج ٹیکنالوجی متعارف کرائیں اور مارکیٹ میں حفاظت اور اعلیٰ معیار کے نئے درجات قائم کریں۔
الفطیم آٹو موٹیو کے صدر لین ہنٹ نے کہا کہ پاکستان200ملین آبادی پر مشتمل اہم معیشت ہے اور متحرک مڈل کلاس سے مزین ہے، ہم ان صلاحیتوں کے حامل ملک کی معیشت میں گروپ رینالٹ کو متعارف کرانے پر بہت خوشی محسوس کررہے ہیں، گروپ رینالٹ گاڑیاں بنانے والی دنیا کی اولین کمپنیوں میں سے ایک ہے اور یورپ کی صف اول کی کمپنی ہے جو اب پاکستان میں اپنی مصنوعات متعارف کرارہی ہے، ہم پاکستان کے آٹو سیکٹر اور صارفین کے لیے حقیقی ویلیو ایڈیشن کی جدوجہد کریں گے اور پاکستان میں عالمی سطح کی تنظیم بنانے کی بھرپورکوشش کریں گے۔
الفطیم گروپ‘ رینالٹ کے ساتھ طویل اور کامیاب شراکت داری کی امید رکھتا ہے۔ معاہدوں کی رو سے گروپ رینالٹ ملک میں اپنی جدید مصنوعات اور تکنیکی مہارت لے کر آئے گا جبکہ الفطیم گروپ اپنی نئی ماتحت کمپنی الفطیم آٹوموٹیو پاکستان (پرائیوٹ) لمیٹڈکے ذریعے نیا اسمبلی پلانٹ قائم کرے گا اور ملک بھر میں گاڑیوں کی ڈسٹری بیوشن سرانجام دے گا۔ الفطیم کے 29 ممالک میں کئی کاروبار کامیابی سے چل رہے ہیں جن کی بنیاد پر گروپ اپنا منفرد اور اعلیٰ مقام حاصل کرچکا ہے ، ساتھ ہی گروپ کو صارفین کے ساتھ روابط کی بنیاد پر اعلیٰ سروسز اور سہولتیں فراہم کرنے کا وسیع تجربہ ہے۔
الفطیم کے عالمی آٹو موٹیو آپریشنز دنیا بھر کی 11مارکیٹس میں جاری و ساری ہیں جن میں مشرق وسطی، افریقہ، جنوبی ایشیا اور اب پاکستان شامل ہے، پاکستان یقیناً کئی حوالوں سے اہم اور کلیدی ہے کیونکہ یہاں بھرپور مواقع میسر ہیں۔ اس کی ایک وجہ ملک کی نئی آٹو موٹیو ڈولپمنٹ پالیسی ہے، کراچی میں پلانٹ کی تعمیر کے کام کا آغاز سال 2018 کی پہلی سہ ماہی میں ہوگا اور گروپ رینالٹ کے معیارات کے مطابق گاڑیوں کی فروخت کا عمل 2019 میں شروع کرنے کی منصوبہ بندی کی گئی ہے جس کو 2020 میں بھرپور بڑھادیا جائے گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔