- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
پاک چین عالمی ایئر شو، پاکستانی فضاؤں میں چینی جنگی جہازوں کا پہلا مظاہرہ
کوئٹہ: پاکستانی فضاؤں میں چینی جنگی طیاروں نے پہلا شاندار مظاہرہ کیا یہ مظاہرہ پیر کو پاکستان اور چینی ایئر فورس کے زیر اہتمام بین الاقوامی ایئر شو کے تحت کوئٹہ کے سمنگلی ایئر بیس پر کیا گیا۔
اس موقع پرچینی فضائیہ کے J-10 لڑاکا طیاروں نے ایروبیٹک کا شاندار مظاہرہ پیش کیا، جس پر حاضرین سے بھرپور داد ملی۔ پاک چین عالمی ایئر شو کی تقریب سے خطاب کرتے ہوئے وزیراعلیٰ بلوچستان نواب ثنا اللہ زہری نے کہا ہے کہ سی پیک منصوبوں کی تکمیل سے دور رس نتائج برآمد ہونگے. چین پاکستان اقتصادی راہداری کی بنیاد گوادر ہے اور یہ کہنا بے جا نہیں ہوگا کہ گوادر سی پیک ہے اور سی پیک گوادر ہے، پاک چین دوستی صرف حکومتی سطح کے تعلقات پر ہی استوار نہیں بلکہ دونوں ممالک کے عوام بھی ایک دوسرے کے ساتھ دلوں سے جڑے ہوئے ہیں، چینی قونصل جنرل وانگ یو نے کہا کہ گوادر کی اہمیت کا اعتراف چینی قیادت بھی کرتی ہے۔
تقریب میں چین پیپلزآرمی فضائیہ کے میجر جنرل لیوچن منگ (Liu Chun Ming) ، کمانڈر سدرن کمانڈ لیفٹیننٹ عاصم سلیم باجوہ، صوبائی وزرا و اراکین اسمبلی، سول و عسکری حکام اور لوگوں کی بڑی تعداد بھی موجود تھی۔ وزیراعلیٰ نے کہا کہ یہ یادگار لمحات اور بین الاقوامی معیار کا ایئر شو نہ صرف دونوں ممالک کی ایئر فورس کے درمیان بہترین تعلقات کا مظہر ہے بلکہ بے مثال پاک چین دوستی کا منہ بولتا ثبوت بھی ہے جو وقت گزرنے کے ساتھ مزید مستحکم ہو رہی ہے۔ پاک چین دوستی ہمالیہ سے بلند ، سمندرسے گہری اور شہد سے میٹھی ہے۔
ہر پاکستانی اور ہر چینی اس بے مثال دوستی پر فخر محسوس کرتا ہے۔ وزیراعلیٰ نے اس یقین کا اظہار کیا ہے کہ دونوں ممالک کے درمیان دوستی اور خلوص کے رشتے وقت کے ساتھ ساتھ مزید مستحکم ہونگے جس کا فائدہ دونوں ممالک کے عوام کو پہنچے گا۔ وزیراعلیٰ نے مظاہرے میں حصہ لینے والے چینی پائلٹوں سے بھی ملاقات کی اور ان کی صلاحیتوں اور تربیتی معیار کو سراہا، قبل ازیں پاک فضائیہ کے لڑاکا طیاروں پی جی ایف۔7 اور آگسٹا ہیلی کاپٹر سمیت دیگر ہیلی کاپٹروں نے بھی فضائی مظاہرہ پیش کیا۔
وزیراعلیٰ بلوچستان نے JF-17 تھنڈر طیارے کے ماڈل کی رونمائی بھی کی جو بعدازاں وزیراعلیٰ پیش کیا گیا۔ علاوہ ازیں وزیراعلیٰ بلوچستان نے چین کے قونصل جنرل وانگ یو سے بات چیت کرتے ہوئے کہا کہ چین پاکستان اقتصادی راہداری منصوبے میں شامل گوادر کے منصوبوں کی بروقت تکمیل کے دور رس نتائج برآمد ہونگے۔ملاقات میں سی پیک میں شامل گوادر اسمارٹ سٹی، فری زون، ایسٹ بے ایکسپریس وے، گوادر بین الاقوامی ایئرپورٹ اور ڈی سیلینیشن پلانٹ کی تنصیب کے منصوبوں کی پیشرفت پر بھی تبادلہ خیال کیا گیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔