- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
فلمسٹارآسیہ بیگم کا انتقال
پاکستان فلم انڈسٹری کی معروف اداکارہ آسیہ بیگم ہفتے کو کینیڈا میں انتقال کر گئیں۔ آسیہ بیگم نے 1970ء سے 1980ء تک پاکستان کی فلم انڈسٹری پر راج کیا۔ وہ پنجابی اور اردو دونوں زبانوں کی فلموں میں یکساں مقبول رہیں۔ بھارتی پنجاب میں فردوس کے پیدائشی نام سے دنیا میں آنکھ کھولنے والی آسیہ نے قیام پاکستان کے بعد اپنے اہل خانہ کے ساتھ نقل مکانی کی اور کراچی کو ٹھکانا کیا، پھر شوبز کی مجبوری انھیں لاہور لے آئی اور یہاں مرحومہ نے ایک سے ایک ہٹ فلم میں کام کیا۔ آسیہ اپنے وقت کی یقیناً ٹاپ کی ہیروئن تھیں۔
ایک زمانے میں ان کے بغیر کسی پنجابی فلم کا تصور بھی نہیں کیا جا سکتا تھا۔ انھوں نے جس دور میں فلم انڈسڑی میں قدم رکھا، اس دور میں شبنم، رانی، سنگیتا، ممتاز، زمرد، بابرہ شریف،نجمہ جیسی خوبرواور باصلاحیت اداکارائیں موجود تھیں۔ انھوں نے سلطان راہی، یوسف خان، وحید مراد اور منور ظریف کے ساتھ کئی سپر ہٹ فلموں میں کام کیا۔ پنجابی کی شہرہ آفاق فلم مولا جٹ میں وہ ہیروئن تھیں۔ ان کی دیگر معروف فلموں میں جیرا بلیڈ، غلام، وعدہ اور سہرے کے پھول شامل تھیں۔ 1977ء میں انھیں فلم قانون میں بہترین اداکاری پر نگار ایوارڈ ملا۔
1979ء میں فلم آگ میں بہترین معاون اداکاری پر نگار ایوارڈ ملا۔ آسیہ بیگم نے اپنے عروج کے زمانے میں ایک غیر فلمی شخصیت سے شادی کر لی اور پھر کینیڈا شفٹ ہو گئیں۔ شادی کے بعد وہ فلموں سے مکمل طور پر کنارہ کشں ہو گئیں تھیں۔ ان کی وفات سے ماضی کے درخشاں ستاروں میں ایک اور ستارہ بجھ گیا۔ ہماری دعا ہے کہ مشیت ایزدی مرحومہ کو اپنے جوار رحمت میں جگہ مرحمت فرمائے اور پسماندگان کو صبر جمیل عطا کرے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔