- عدلیہ میں مداخلت کیخلاف اسلام آباد ہائیکورٹ بار کا سپریم کورٹ سے رجوع
- مہنگائی کے دباؤ میں کمی آئی اور شرح مبادلہ مستحکم ہے، وزیر خزانہ
- پی ٹی آئی کی جلسوں کی درخواست پر ڈی سی لاہور کو فیصلہ کرنے کا حکم
- بابراعظم سوشل میڈیا پر شاہین سے اختلافات کی خبروں پر "حیران"
- پنجاب اسمبلی سے چھلانگ لگاکر ملازم کی خودکشی کی کوشش
- 9 مئی کے ذمے دار آج ملکی مفاد پر حملہ کر رہے ہیں، وزیراطلاعات
- کراچی میں تیز بارش کا امکان ختم، سسٹم پنجاب اور کےپی کیطرف منتقل
- ’’کرکٹرز پر کوئی سختی نہیں کی! ڈریسنگ روم میں سونے سے روکا‘‘
- وزیرداخلہ کا غیرموثر، زائد المیعاد شناختی کارڈز پر جاری سمزبند کرنے کا حکم
- راولپنڈی اسلام آباد میں روٹی کی سرکاری قیمت پر نان بائیوں کی مکمل ہڑتال
- اخلاقی زوال
- کراچی میں گھر کے زیر زمین پانی کے ٹینک سے خاتون کی لاش ملی
- سندھ میں گیس کا ایک اور ذخیرہ دریافت
- لنکن ویمنز ٹیم نے ون ڈے کرکٹ میں تاریخ رقم کردی
- ٹیم ڈائریکٹر کے عہدے سے کیوں ہٹایا گیا؟ حفیظ نے لب کشائی کردی
- بشریٰ بی بی کی بنی گالہ سب جیل سے اڈیالہ جیل منتقلی کی درخواست بحال
- کمر درد کے اسباب اور احتیاطی تدابیر
- پھل، قدرت کا فرحت بخش تحفہ
- بابراعظم کی دوبارہ کپتانی؛ حفیظ کو ٹیم میں گروپنگ کا خدشہ ستانے لگا
- پاک نیوزی لینڈ سیریز؛ ٹرافی کی رونمائی کردی گئی
عدالتی محاذ پر ’’پدماوتی‘‘ کو پہلی کامیابی
نئی دلی: بھارتی سپریم کورٹ نے ہدایت کار سنجے لیلا بھنسالی کی فلم ’پدماوتی‘پر بھارتی وزرا اور ذمہ داران کے بیان پر برہمی کا اظہار کرتے ہوئے کہا کہ جب تک سینٹرل بورڈ آف فلم سرٹیفیکیشن کا فیصلہ نہیں آجاتا وزرا فلم کے خلاف بیان بازی سے باز رہیں۔
ہدایت کار و پروڈیوسر سنجے لیلا بھنسالی کی فلم’پدماوتی‘بھارت میں بڑے تنازعے کا روپ اختیار کرچکی ہے۔ بھارت میں ہندو انتہا پسند فلم کی ریلیز روکنے کی کوششوں میں مصروف ہیں اوراپنی اس کوشش میں کافی کامیاب بھی نظرآرہے ہیں جب کہ بالی ووڈ انڈسٹری فلم کے ساتھ کھڑی ہے۔
اس خبرکوبھی پڑھیں: ہندوانتہا پسندوں کی دپیکا کو’’ناک‘‘ کاٹنے کی دھمکی
بھارتی میڈیا کے مطابق سپریم کورٹ کے جج جسٹس دیپک مشرا کی سربراہی میں تین رکنی بینچ نے فلم کو بیرون ملک ریلیز روکنے سے متعلق درخواست کی سماعت کی جس کے دوران عدالت نے کہا کہ وزرا اورذمہ دار عہدوں پر بیٹھے ہوئے افراد فلم کے خلاف تبصرے کیوں کررہے ہیں ان کے تبصروں کا اثر سینٹرل بورڈ کے فیصلے پر پڑ سکتا ہے اور یہ قانون کی خلاف ورزی ہے۔
سپریم کورٹ کا کہنا تھا کہ جب تک فلم ’پدماوتی‘کو سینٹرل بورڈ آف فلم سرٹیفکیشن(سی بی ایف سی) کی جانب سے سرٹیفکیٹ نہیں مل جاتا اس وقت تک تمام ذمہ دار افراد فلم پر کسی بھی طرح کا تبصرہ نہیں کریں گے۔
دوسری جانب سپریم کورٹ نے فلم کو بیرون ملک ریلیز روکنے سے متعلق درخواست بھی مسترد کردی جب کہ سنجے لیلا بھنسالی نے عدالت کو یقین دہائی کرائی کہ جب تک فلم کو سی بی ایف سی کی جانب سے سرٹیفیکیٹ نہیں مل جاتا وہ کسی بھی ملک میں فلم ریلیز نہیں کریں گے۔
اس خبرکوبھی پڑھیں: بھنسالی جوتوں کی زبان ہی سمجھتاہے
واضح رہے کہ فلم’پدماوتی‘بھارت سمیت دنیا بھر میں یکم دسمبر کو ریلیز ہونی تھی تاہم انتہا پسند تنظیموں کی جانب سے کیے جانے والےاحتجاج اور فلم کے ہدایت کار سنجے لیلا بھنسالی اور اداکارہ دپیکا پڈوکون کو ملنے والی خطرناک دھمکیوں کے باعث فلم کی ریلیز ملتوی کردی گئی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔