- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
ذیابیطس اور موٹاپا یکجا ہونے سے کینسر کے امکان میں اضافہ
نیویارک: بیک وقت ذیابیطس اور موٹاپے کے شکار افراد میں کئی طرح کے کینسر لاحق ہونے کا امکان بڑھ جاتا ہے۔
امریکی ادارے دی لینسٹ ڈایابیٹس اینڈ انڈوکرائنالوجی کی جانب سے کی گئی ایک تحقیق میں ماہرین نے سال 2002ء سے 2012ء تک کینسر کے مریضوں سے حاصل کردہ ڈیٹا کو استعمال کیا جو کہ 175 ممالک میں 12 اقسام کے کینسر سے متعلق جمع کیا گیا تھا، ڈیٹا عمر کے لحاظ سے زائد وزن اور ذیابیطس کے مریضوں سے اس تصور کے ساتھ لیا گیا تھا کہ کینسر لاحق ہونے میں کم از کم 10 برس کا عرصہ درکار ہوتا ہے۔
تحقیق سے ماہرین نے نتیجہ اخذ کیا ہے کہ موٹاپے اور ذیابیطس کے باعث لوگوں کو بڑی آنت، پتہ، جگر اور لبلبہ کا کینسر لاحق ہوسکتا ہے تاہم اس میں طرز زندگی کا بھی بڑا کردار ہوتا ہے۔ امپیریل کالج آف لندن کے ماہر جوناتھن پیئرسن نے کہا ہے کہ ہمیں پتا ہے کہ موٹاپے اور ذیابیطس میں مبتلا ہونے کی کیا وجوہات ہیں لیکن یہ نہیں پتا کہ ان دونوں امراض کی وجہ سے کینسر کیسے ہوسکتا ہے۔ ہائی انسولین کا استعمال اور انسولین کے استعمال میں مزاحمت بھی کینسر کا سبب بن سکتے ہیں۔
ماہرین کا کہنا ہے کہ اگر یہ دونوں مرض الگ الگ افراد کو لاحق ہوں تو مختلف اعضا متاثر ہوں گے لیکن دونوں امراض ایک ساتھ لاحق ہوجائیں تو دیگر اعضا کے کینسر لاحق ہونے کا امکان بڑھ جاتا ہے اور اگر کسی خاتون کو ذیابیطس اور موٹاپا دونوں ہیں تو اسے رحم میں ایک قسم کا کینسر لاحق ہونے کا 38 فیصد اور چھاتی کے کینسر کا 9 فیصد خطرہ ہے، اگر یہی دونوں بیماریاں مرد میں جمع ہوجائیں تو اسے 23 فیصد تک جگر کا مرض اور 8.6 فیصد تک آنتوں کا کینسر لاحق ہونے کا خطرہ ہے۔
تحقیق میں کہا گیا کہ اس اعدادو شمار میں خطے کے موسم کے اعتبار سے کمی بیشی ہوسکتی ہے، موٹاپے کے سبب امیر مغربی ممالک میں کینسر کے امراض 16 فیصد جب کہ ایشیا کے خطے میں یہ شرح 5 فیصد تک پائی گئی ہے جب کہ دونوں امراض کو علیحدہ علیحدہ دیکھیں تو ذیابیطس کا گردوں کے کینسر سے کوئی تعلق نہیں البتہ موٹاپے کا گردوں کے کینسر سے تعلق ہے۔
ماہرین نے خدشہ ظاہر کیا ہے کہ جس طرح ذیابیطس اور موٹاپے کے امراض دنیا بھر میں تیزی سے بڑھ رہے ہیں اس اعتبار سے خصوصاً پتہ، جگر اور رحم کی جھلی کے کینسر میں بتدریج اضافہ ہوگا، ڈاکٹر پیئرسن اسٹوٹارڈ کا کہنا ہے کہ جب تک ذیابیطس اور موٹاپے کو کنٹرول نہیں کیا جائے گا کینسر کی نشوونما بڑھتی رہے گی، سال 2035ء تک ان دونوں امراض کے سبب مردوں کو کینسر لاحق ہونے کی شرح 20 فیصد اور عورتوں میں یہ شرح 30 فیصد تک بڑھ جائے گی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔