سونے کی عالمی قیمت8ڈالرفی اونس کم، تولہ بھاؤصرف50روپے گھٹے

بزنس رپورٹر  جمعرات 7 دسمبر 2017
 سونے کی فی تولہ قیمت میں صرف 50 روپے کمی؛فوٹوفائل

سونے کی فی تولہ قیمت میں صرف 50 روپے کمی؛فوٹوفائل

 کراچی: عالمی مارکیٹ میں سونے کی قیمت میں 8 ڈالر فی اونس کی کمی کے باعث سونے کی فی تولہ قیمت میں صرف 50 روپے کمی۔

بین الاقوامی بلین مارکیٹ میں فی اونس سونے کی قیمت8 ڈالر کی کمی سے1268 ڈالر کی سطح پر پہنچنے کے باعث مقامی صرافہ مارکیٹوں میں بھی بدھ کو فی تولہ اور فی دس گرام سونے کی قیمتوں میں بالترتیب50 اور42 روپے کی کمی کردی گئی۔

جس کے نتیجے میں کراچی، حیدرآباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میں فی تولہ سونے کی قیمت گھٹ کر 53 ہزار 800 اور فی دس گرام سونے کی قیمت گھٹ کر46 ہزار 114 روپے ہوگئی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔