جمہوری واخلاقی اقدار کے ساتھ بے لوث خدمت پر یقین رکھتا ہوں، سربراہ پاک فوج

کوئٹہ: آرمی چیف جنرل قمر جاوید باجوہ کا کہنا ہے کہ میرا جمہوریت پر پختہ یقین ہے اور جمہوری واخلاقی اقدار کے ساتھ بے لوث خدمت پر یقین رکھتا ہوں۔

پاک فوج کے شعبہ تعلقات عامہ (آئی ایس پی آر کے مطابق) آرمی چیف جنرل قمر جاوید باجوہ نے کوئٹہ کا دورہ کیا جہاں انہوں نے ہیومن ریسورس ڈیولپمنٹ فار یوتھ آف بلوچستان، مواقے اور چیلنجز پر منعقد سیمینار سے خطاب کرتے ہوئے کہا کہ بلوچ نوجوان ملک کے دیگر علاقوں کے نوجوانوں کی طرح باصلاحیت ہیں، 25ہزار بلوچ طلبا اس وقت آرمی کے اسکولوں میں معیاری تعلیم حاصل کررہے ہیں اور پی ایم اے کاکول میں بلوچستان کے 232 کیڈٹس زیر تربیت ہیں، بلوچ نوجوان کیڈٹ کالجز میں بھی تعلیم حاصل کررہے ہیں۔

پاک فوج کے سربراہ کا کہنا تھا کہ  فوج میں بلوچستان کے 20 ہزار بیٹے خدمات انجام دے رہے ہیں، ان بلوچ فرزندوں میں 600 افسران بھی شامل ہیں جب کہ  فضائیہ اور بحریہ میں کام کرنے والے بلوچ شامل کریں تو یہ تعداد زیادہ ہے۔ انہوں نے کہا کہ سول سروس کسی بھی ملک کی ریڑھ کی ہڈی ہے اور سول سروس کو پرکشش بنانے کی ضرورت ہے تاکہ اعلیٰ ٹیلنٹ اس میں آئے جب کہ ہمارے پاس کافی وسائل ہیں صرف انسانی وسائل کو بہتر کرنے کی ضرورت ہے۔

"Tomorrow’s Balochistan will be heart of national dev engine and an invaluable link from North to South and also to the West" COAS. (2of2). pic.twitter.com/LbtcFAM8Xw

— Maj Gen Asif Ghafoor (@OfficialDGISPR) December 7, 2017

آرمی چیف کا کہنا تھا کہ فوج ایک ریاستی ادارہ ہے جس کا مقصد ہے قوم کی خدمت کرنا  اور پاک فوج اپنا کردار بھرپور انداز میں ادا کرتی رہے گی جب کہ ملکی ترقی اور سیکیورٹی ریاست کے ہر ادارے کی ذمہ داری ہے۔ انہوں نے کہا کہ میرا جمہوریت پر پختہ یقین ہے اور وہ جمہوری واخلاقی اقدار کے ساتھ بے لوث خدمت پر یقین رکھتے ہیں۔

COAS' key note address in Seminar on “Human Resource Dev in Balochistan” at Quetta. Talks of challenges, opportunities & way forward.(1of2). pic.twitter.com/qtcmptMuye

— Maj Gen Asif Ghafoor (@OfficialDGISPR) December 7, 2017