صدر کی منظوری کے بغیر چھپوائے گئے کاغذات نامزدگی کی کوئی حیثیت نہیں، اعتزاز احسن

اسلام آباد: سینیٹراعتزاز احسن نے کہا ہے کہ صدر کی منظوری کے بغیر چھپوائے گئے کاغذات نامزدگی کی کوئی آئینی حیثیت نہیں۔

اسلام آباد میں میڈیا سے گفتگو کرتے ہوئے اعتزاز احسن کا کہنا تھا کہ آئین میں واضح طور پر درج ہے کہ صدر کی منظوری کے بغیر کاغذات نامزدگی میں تبدیلی نہیں کی جاسکتی، آصف زرداری کو آئینی طریقے سے پارلیمنٹ نے صدر منتخب کیا ہے اور الیکشن کمیشن کے اس اقدام سے مشکلات پیدا ہوسکتی ہیں۔

اعتزاز احسن نے کہا کہ سپریم کورٹ کے ریمارکس فیصلے نہیں ہوتے، سپریم کورٹ نے بہت سے فیصلے اور آئین کی تشریح غلط کی۔ انہوں نے کہا کہ الیکشن کمیشن اور حکومت کے درمیان کاغذات نامزدگی پر ڈیڈلاک برقرار رہا تو سپریم کورٹ اسے انتخابات میں تاخیر کا جواز بھی بناسکتی ہے۔