- رائیونڈ؛ سفاک ملزمان کا تین سالہ بچے پر بہیمانہ تشدد، چھری کے وار سے شدید زخمی
- پنجاب؛ بےگھر لوگوں کی ہاؤسنگ اسکیم کیلیے سرکاری زمین کی نشاندہی کرلی گئی
- انٹرنیشنل ہاکی فیڈریشن نے پی ایچ ایف کے دونوں دھڑوں سے رابطہ کرلیا
- بلوچ لاپتہ افراد کیس؛ پتہ چلتا ہے وزیراعظم کے بیان کی کوئی حیثیت نہیں، اسلام آباد ہائیکورٹ
- چوتھا ٹی20؛ رضوان کی پلئینگ الیون میں شرکت مشکوک
- ایرانی صدر کا دورہ اور علاقائی تعاون کی اہمیت
- آئی ایم ایف قسط پیر تک مل جائیگی، جون تک زرمبادلہ ذخائر 10 ارب ڈالر ہوجائینگے، وزیر خزانہ
- حکومت رواں مالی سال کے قرض اہداف حاصل کرنے میں ناکام
- وزیراعظم شہباز شریف کی کراچی آمد، مزار قائد پر حاضری
- شیخ رشید کے بلو رانی والے الفاظ ایف آئی آر میں کہاں ہیں؟ اسلام آباد ہائیکورٹ
- بورڈ کا قابلِ ستائش اقدام؛ بےسہارا و یتیم بچوں کو میچ دیکھانے کی دعوت
- امریکا نے بھارت میں انسانی حقوق کی پامالیوں کو شرمناک قرار دیدیا
- پاکستان کی مکئی کی برآمدات میں غیر معمولی اضافہ
- ایلیٹ فورس کا ہیڈ کانسٹیبل گرفتار، پونے دو کلو چرس برآمد
- لیجنڈز کرکٹ لیگ فکسنگ اسکینڈل کی زد میں آگئی
- انجرڈ رضوان قومی ٹیم کے پریکٹس سیشن میں شامل نہ ہوسکے
- آئی پی ایل، چھوٹی باؤنڈریز نے ریکارڈز کا انبار لگا دیئے
- اسٹاک ایکسچینج؛ ملکی تاریخ میں پہلی بار 72 ہزار پوائنٹس کی سطح عبور
- شاداب کو ٹیم کے اسٹرائیک ریٹ کی فکر ستانے لگی
- لکی مروت؛ شادی کی تقریب میں فائرنگ سے 6 افراد جاں بحق
دورۂ جنوبی افریقہ: ناقص کھیل پر بورڈ نے پلیئرز سے آنکھیں پھیرلیں
کراچی: پاکستان کرکٹ بورڈ نے دورئہ جنوبی افریقہ میں ناقص کارکردگی کے بعد کھلاڑیوں سے آنکھیں پھیر لیں۔
نئے سینٹرل کنٹریکٹ میں ماہانہ معاوضے اور میچ فیس میں کوئی اضافہ نہیں کیا جائے گا، شاہدآفریدی ،عمرگل، عبدالرحمان اور عمر اکمل کو اے سے بی کیٹیگری میں شامل کرنے کی تجویز پیش کردی گئی، البتہ ون ڈے سیریز کے بقیہ میچز میں ان کی غیرمعمولی کارکردگی پوزیشن بچا سکتی ہے، ٹیم کی وطن واپسی کے بعد تمام پلیئرز کے سامنے ان کی پرفارمنس رپورٹ رکھی جائے گی،اسی کے مطابق حتمی فیصلے ہوں گے۔ تفصیلات کے مطابق رواں برس کا تیسرا ماہ جاری تاہم اب تک کھلاڑیوں کے نئے معاہدوں کا فیصلہ نہیں ہو سکا ہے۔
پاکستان کرکٹ بورڈ نے گذشتہ برس بھی تقریباً 5 مہینوں کی تاخیر سے26 مئی کو سینٹرل کنٹریکٹ کا اعلان کیا تھا جو یکم جنوری سے31 دسمبر تک لاگو رہا، تین برس بعد قومی کرکٹرزکی ماہانہ تنخواہوں میں 25 فیصد اضافہ کیا گیا تاہم وہ 50 فیصد انکریمنٹ کا سوچ رہے تھے،گوکہ مطالبات منوانے کیلیے پلیئرز نے دستخط میں تاخیر کی تاہم بورڈ کے آنکھیں دکھانے پر ہتھیار ڈالنا پڑے تھے۔ رواں برس دورہ بھارت میں اچھی کارکردگی کے بعد پی سی بی نے کھلاڑیوں کو مالی فوائد پہنچانے کا فیصلہ کیا تاہم جنوبی افریقہ میں بدترین شکستوں کے بعد ناراض ہو کر ارادہ بدل لیا۔
ذرائع نے نمائندہ ’’ایکسپریس‘‘ کو بتایا کہ سلیکشن کمیٹی نے کافی عرصے قبل ہی سینٹرل کنٹریکٹ کی 3 کیٹیگریز کے21 جبکہ ماہانہ مشاہرہ پانے والے اتنے ہی کھلاڑیوں کی فہرست بورڈ کے حوالے کر دی تھی تاہم اس پر اب تک کوئی حتمی فیصلہ نہیں کیا گیا، ڈائریکٹر جنرل جاوید میانداد کی زیرسربراہی خصوصی کمیٹی کو لسٹ کا جائزہ لے کر حتمی منظوری کیلیے چیئرمین ذکا اشرف کو پیش کرنا ہے۔ نمائندہ ’’ایکسپریس‘‘ کے پاس موجود اس فہرست کی کاپی کے مطابق حالیہ کارکردگی کے مدنظر شاہدآفریدی ، عمرگل، عبدالرحمان اور عمر اکمل کو اے سے بی کیٹیگری میں شامل کرنے کی تجویز دی گئی ہے۔
توفیق عمر اور اعزاز چیمہ کو بی سے سی جبکہ سرفراز احمد، عدنان اکمل اور حماد اعظم کو سی سے ماہانہ مشاہرہ پانے والوں میں رکھنے کا ارادہ ہے، سی کیٹیگری میں موجود ناصر جمشید بی میں شامل ہو جائیں گے جبکہ احمد شہزاد، محمد عرفان اور راحت علی کو سی میں لیا جا سکتا ہے، کامران اکمل اور عبدالرزاق کی بی کیٹیگری میں شمولیت ممکن ہوگی، پروٹیز سے سیریز کے بقیہ چار ون ڈے میچز میں غیرمعمولی کارکردگی کی صورت میں ردوبدل بھی ممکن ہے۔ ٹیم کی وطن واپسی کے بعد کھلاڑیوں کو ان کی کارکردگی سے آگاہ کرکے ناکامی کی وجوہات بھی جانی جائیں گی، اسی کے بعد حتمی فیصلے ہوں گے۔
ذرائع نے مزید بتایا کہ بورڈ نے اپنی مالی حالت کو دیکھتے ہوئے معاوضوں اور میچ فیس میں اضافہ نہ کرنے کا فیصلہ کیا ہے، ملکی میدان سونے ہونے کی وجہ سے پی سی بی کے خزانے تیزی سے خالی ہو رہے ہیں، رواں برس بھی اے کیٹیگری میں شامل پلیئرز ماہانہ تقریباً 3 لاکھ13 ہزار روپے وصول کریں گے، بی کو 2 لاکھ 18 ہزار روپے جبکہ سی کیٹیگری کے پلیئرز کو ایک لاکھ 25 ہزار روپے دیے جائیں گے۔ اے کیٹیگری کے حامل ٹیسٹ کے3 لاکھ 85 ہزار، ون ڈے کے3 لاکھ 30 ہزار اور ٹی ٹوئنٹی کے2 لاکھ 75 ہزار روپے حاصل کریں گے، بی کیٹیگری والے تینوں طرز میں بالترتیب 3 لاکھ 30 ہزار،2 لاکھ75 ہزار اور2 لاکھ20 ہزار پائیں گے۔ سی کیٹیگری کے حامل 2 لاکھ 75 ہزار،2 لاکھ 20 ہزار اور 1 لاکھ 65 ہزار روپے کا چیک وصول کریں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔