- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
- کراچی: ڈی آئی جی کے بیٹے کی ہوائی فائرنگ، اسلحے کی نمائش کی ویڈیوز وائرل
- انوار الحق کاکڑ، ایمل ولی بلوچستان سے بلامقابلہ سینیٹر منتخب
- جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
- کولیسٹرول قابو کرنیوالی ادویات مسوڑھوں کی بیماری میں مفید قرار
- تکلیف میں مبتلا شہری کے پیٹ سے زندہ بام مچھلی برآمد
- ماہرین کا اینڈرائیڈ صارفین کو 28 خطرناک ایپس ڈیلیٹ کرنے کا مشورہ
- اسرائیل نے امن کا پرچم لہرانے والے 2 فلسطینی نوجوانوں کو قتل کردیا
- حکومت نے آٹا برآمد کرنے کی مشروط اجازت دے دی
- سائفر کیس میں امریکی ناظم الامور کو نہ بلایا گیا نہ انکا واٹس ایپ ریکارڈ لایا گیا، وکیل عمران خان
- سندھ ہائیکورٹ میں جج اور سینئر وکیل میں تلخ جملوں کا تبادلہ
- حکومت کا ججز کے خط کے معاملے پر انکوائری کمیشن بنانے کا اعلان
- زرمبادلہ کے سرکاری ذخائر 8 ارب ڈالر کی سطح پر مستحکم
سماجی رہنما پروین رحمٰن سپرد خاک ، مقدمہ درج
کراچی: اورنگی پائلٹ پروجیکٹ کی خاتون ڈائریکٹر اور معروف سماجی رہنما سیکڑوں سوگواران کی موجودگی میں شاہ محمد قبرستان میں سپرد خاک کردی گئیں۔
مقتولہ کا سوئم آج(جمعہ کو) ہوگا، ادھر سماجی و انسانی حقوق کی تنظیموں اور سول سوسائٹی کے عہدیداران کا اجلاس طلب کر لیا گیا ہے جس میں پروین رحمن کے قتل کے خلاف لائحہ عمل طے کیا جائے گا، تفصیلات کے مطابق اورنگی پائلٹ پروجیکٹ کی خاتون ڈائریکٹر اور سماجی رہنما پروین رحمن کی نماز جنازہ بعد نماز ظہر گلستان جوہر بلاک 15میں ان کی رہائش گاہ سفاری بلیووارڈ فیز ٹو اپارٹمنٹ کے باہر ادا کی گئی ۔
نماز جنازہ میں سیاسی و سماجی تنظیموں کے نمائندوں، عزیز و اقارب ، علاقہ مکین ، اورنگی پائلٹ پروجیکٹ کے عہدیداران، طلبا اور مختلف شعبہ ہائے زندگی تعلق رکھنے والے افراد کی بڑی تعداد نے شرکت کی ، نماز جنازہ کے بعد میت نارتھ کراچی لے جائی گئی جہاں خاتون سماجی رہنما پروین رحمن کو سیکڑوں سوگواران کی موجودگی میں سپرد خاک کر لیا گیا۔
اس موقع پر انتہائی رقت آمیز مناظر دکھائی دیے ، تدفین کے موقع پر موجود افراد نے ایکسپریس سے بات چیت کرتے ہوئے کہا کہ پروین رحمن اعلیٰ پائے کی سماجی رہنما تھیں اور ان کی ہر وقت کوشش ہوا کرتی تھیں کہ وہ نظام کو ٹھیک کریں اور یہی شعور دیگر لوگوں میں بھی بیدار کیا کرتیں تھیں، معروف سماجی رہنما کے کا سوئم کا انعقاد آج بعد نماز جمعہ ان کی رہائش گاہ گلستان جوہر بلاک15پر کیا گیا ہے۔
علاوہ ازیں اورنگی پائلٹ پرو جیکٹ کی ڈائریکٹر اور معروف سماجی رہنما پروین رحمن کے قتل کا مقدمہ 204/2013 پیر آباد تھانے میں مقتولہ کے ڈرائیور ولی داد کی مدعیت میں نامعلوم ملزمان کے خلاف درج کر لیا گیا، ایس ایچ او پیر آباد کے مطابق خاتون سماجی رہنما کے قتل کا مقدمہ انسداد دہشت گردی ایکٹ 7ATAاور دیگر دفعات 302،324/34 کے تحت درج کر کے تفتیش شروع کردی گئی ہے۔
دریں اثناپروین رحمن کے قتل کیخلاف سماجی ، انسانی حقوق کی تنظیموں اور سول سوسائٹی کے عہدیداران کا اجلاس پی ایم اے ہاؤس میں طلب کر لیا گیا ہے ، اورنگی پائلٹ پروجیکٹ کے ایک عہدیدار نے ایکسپریس سے بات چیت کرتے ہوئے بتایا کہ اجلاس میں پروین رحمن کے قتل کے خلاف آئندہ کا لائحہ عمل طے کیا جائے گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔