اسپاٹ فکسنگ کیس میں محمدعرفان اپنا بیان ریکارڈ کرائیں گے

اسپورٹس رپورٹر  جمعرات 14 دسمبر 2017
اسپاٹ فکسنگ کیس میں محمد عرفان وڈیو لنک کے ذریعے بیان ریکارڈ کرائیں گے؛
فوٹو: فائل

اسپاٹ فکسنگ کیس میں محمد عرفان وڈیو لنک کے ذریعے بیان ریکارڈ کرائیں گے؛ فوٹو: فائل

 لاہور:  پی ایس ایل اسپاٹ فکسنگ میں ملوث کرکٹر شاہ زیب حسن کے کیس میں پی سی بی کے گواہ محمد عرفان وڈیو لنک کے ذریعے اپنا بیان ریکارڈ کرائیں گے۔

قومی کھلاڑی محمد عرفان پی ایس ایل اسپاٹ فکسنگ کیس میں وڈیو لنک کے ذریعے اپنا بیان ریکارڈ کرائیں گے۔ یاد رہے کہ ٹریبیونل میں اوپنر کے کیس کی پیر کو شیڈول سماعت طویل قامت پیسر  کے اسلام آباد میں ہونے کی وجہ سے ملتوی کر دی گئی تھی۔

محمد عرفان پی سی بی کی جانب سے پیش کیے جانے والے آخری گواہ ہیں جس کے بعد کیس فیصلے کی طرف بڑھے گا، پیسراس وقت ٹی 10 لیگ کیلیے شارجہ میں موجود ہیں اور وہیں سے بیان ریکارڈ کرائیں گے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔