بالی ووڈ کے مزاحیہ اداکار نیرج وورا چل بسے

ممبئی: بالی ووڈ کے مزاحیہ اداکار اور فلمساز نیرج وورا طویل علالت کے بعد مقامی اسپتال میں چل بسے۔

بھارتی میڈیا کے مطابق نیرج وورا گزشتہ برس 2016 میں دل کے دورے کے بعد کوما میں چلے گئے تھے، فلم پروڈیوسر فیروز نڈیاڈ والا انہیں اسپتال سے اپنے گھر لے گئے تھے اور وہیں ان کی دیکھ بھال کی جارہی تھی تاہم گزشتہ رات ان کی طبعیت زیادہ خراب ہوگئی جس کے باعث انہیں ممبئی کے کیرتی کیئر اسپتال لے جایا گیا جہاں وہ چل بسے ۔

نیرج وورا کے انتقال پر اداکار پاریش راول نے ٹوئٹر پر اظہار افسوس کرتے ہوئے کہا فلم’ پھر ہیرا پھیری‘کے مصنف اور ہدایت کار نیرج وورا اب ہم میں نہیں رہے۔

Neeraj Vora – The writer n director of Phir Hera Pheri n many hit films is no more …Aum Shanti .

— Paresh Rawal (@SirPareshRawal) December 14, 2017

اداکار تشار کپور نے اس خبر پر اظہارافسوس کرتے ہوئے کہا کہ انہیں یہ خبر سن کر دکھ کے ساتھ حیرانی بھی ہورہی ہے انہوں نے مجھے گول مال 1 میں کاسٹ کیا اور ایک اور فلم ’رن بھولا رن‘جو اب تک ریلیز نہیں ہوئی میں ہم دونوں نے ساتھ کام کیا۔

Shocked & saddened to hear of the demise of #Neerajvora ji! Had cast me for Golmaal 1 & directed me in the unreleased Run Bhola Run! RIP sir

— Tusshar (@TusshKapoor) December 14, 2017

بھارت کے فلمی تجزیہ نگار ترن آدرش نے نیرج وورا کے متعلق اپنے خیالات کا اظہار کرتے ہوئے کہاکہ خوشیاں بکھیرنے والے  نیرج وورا چل بسے۔

The man who spread smiles, Neeraj Vora, has passed away… Was associated with theatre, wrote several interesting films, was a wonderful actor… Had directed #Khiladi420 and #PhirHeraPheri… RIP #NeerajVora.

— taran adarsh (@taran_adarsh) December 14, 2017

نیرج وورا نے 1984 میں فلم ’ہولی‘ میں بطور معاون اداکار فنی کیرئیر کاآغاز کیا ۔ 1995 میں ریلیز ہوئی عامر خان کی کامیاب فلم’رنگیلا‘کے مکالمے لکھنے کے ساتھ اس فلم میں انہوں نے چھوٹا سا رول بھی ادا کیا تھا۔ اس کے علاوہ انہوں نے 1999 میں فلم ’بادشاہ‘ اور 2012 میں اجے دیوگن کے ساتھ فلم’بول بچن‘میں اہم کردار ادا کیا تھا۔ نیرج وورا بالی ووڈ کی کامیاب ترین کامیڈی سیریز کی پہلی فلم ’ہیرا پھیری ‘اور ’گول مال‘ کی کہانی لکھنے کے لیے بھی مشہور تھے۔