شاویز کی لاش محفوظ کرنے میں وقت لگے گا، قائم مقام صدر

ہم نے روس اور جرمنی سے دنیا کے بہترین سائنسدانوں کو اس مقصد کے لیے بلایا ہے.

ہفتہ 16 مارچ 2013

مصالحے اور خوشبولگاکر لینن کی لاش کی طرح محفوظ کرنے کا عمل دشوار ہے، رپورٹس فوٹو: فائل

کراکس: وینزویلا کے قائم مقام صدر نکولس مادورو نے جمعے کو اعتراف کیا ہے کہ آنجہانی صدر ہیوگو شاویز کی لاش کو مصالحے اور خوشبو لگاکر لینن کی لاش کی طرح محفوظ کرنے میں کافی وقت لگے گا۔

انھوں نے کہا کہ ہم نے روس اور جرمنی سے دنیا کے بہترین سائنسدانوں کو بلایا ہے جن کی رپورٹس کے مطابق لاش کو خصوصی طور پر محفوظ کرنیکا عمل انتہائی دشوار ہے۔ شاویز کے انتقال کے 2 روز بعد مادورو نے اعلان کیا تھا کہ وہ چاہتے ہیں کہ شاویز کو محفوظ کرلیا جائے۔