- فیصل واوڈا نے عدالتی نظام پر اہم سوالات اٹھا دیئے
- پاکستان کو آئی ایم ایف سے قرض کی نئی قسط 29 اپریل تک ملنے کا امکان
- امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
- کوہلو میں خراب سیکیورٹی کے باعث ری پولنگ نہیں ہوسکی
- 9 ماہ کے دوران 9.8 ارب ڈالر کا قرض ملا، وزارت اقتصادی امور ڈویژن
- نارووال: بارات میں موبائل فونز سمیت قیمتی تحائف کی بارش
- کراچی کے مختلف علاقوں میں زلزلے کے جھٹکے
- کوئٹہ: برلن بڈی بیئر چوری کے خدشے کے پیش نظر متبادل جگہ منتقل
- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
عامر خان کی بچوں کو جنسی ہراسانی سے متعلق آگاہی دینے کی ویڈیو وائرل
ممبئی: بالی ووڈ کے مسٹرپرفیکشنسٹ عامر خان کی ایک ویڈیو سوشل میڈیا پر وائرل ہورہی ہے جس میں وہ چھوٹے چھوٹے معصوم بچوں کو سمجھاتے ہوئے نظر آرہے ہیں کہ انہیں جنسی ہراسانی سے کیسے بچنا چاہئے۔
حال میں قصور میں پھول جیسی ننھی زینب کے ساتھ زیادتی اور لرزہ خیز قتل نے پاکستان سمیت دنیا بھر کے لوگوں کو اپنی جانب متوجہ کرلیا۔ زینب کے قتل کے خلاف اٹھائی گئی ہر پاکستانی کی آواز بیرون ممالک خصوصاً بھارت تک میں سنی گئی۔ چونکہ بھارت میں بچوں اور خواتین کے ساتھ جنسی زیادتی اور قتل جیسے واقعات ہونا معمول کی بات ہے لہٰذا ان واقعات کی روک تھام کے لیے بھارتی اداکار عامر خان بہت پہلے اپنی آواز بلند کرچکے ہیں۔
اس خبرکوبھی پڑھیں: بچوں کو جنسی حملوں سے بچاؤ کی آگاہی دی جائے
2012 میں عامر خان نے بچوں سے جنسی زیادتی اور انہیں ہراساں کرنے کے حوالے سے’ستیہ میو جیتے‘کے نام سے پروگرام شروع کیا یہ پروگرام منفرد موضوع کے باعث عوام میں بے حد مقبول ہوگیا۔ عامر خان پروگرام میں چھوٹے بچوں کے ساتھ ہونے والے واقعات منظر عام پر لے کر آئے جب کہ اسی شو میں وہ بچوں کو یہ سبق بھی دیتے نظر آئے کہ انہیں درندہ صفت انسانوں سے اپنی حفاظت کس طرح کرنی ہے۔ حال ہی میں پاکستان میں ننھی زینب کے ساتھ ہونے والے واقعے کے بعد عامر خان کی یہ ویڈیو سوشل میڈیا پر بےحد مقبول ہورہی ہے۔
اس خبرکوبھی پڑھیں: معصوم زینب کے قتل پر شوبز و کرکٹ ستارے بھی اشک بار
ویڈیو میں عامر خان بچوں کےساتھ ہلکے پھلکے انداز میں نہایت سنجیدہ موضوع پر گفتگو کرتے نظر آرہے ہیں، اس ویڈیو کو لوگ اس لیے بھی سراہ رہے ہیں کہ والدین اپنے بچوں سے اس حوالے سے بات نہیں کرپاتے لہٰذا عامر خان کی ویڈیو بچوں کو ان کی طرف بڑھنے والے خطرے کا احساس دلانے کے لیے بہترین ہے۔ عامر خان بچوں سے کہتے نظر آرہے ہیں کہ خطرے کا احساس ہوتے ہی انہیں زور سے چلانا چاہئے اور فوراً گھر کی طرف یا کسی بحفاظت مقام کی طرف بھاگنا چاہئے اور اس واقعے کی اطلاع اپنے والدین یا ٹیچر کو دینی چاہئے۔
اس خبرکوبھی پڑھیں: صبا قمر پھوٹ پھوٹ کر رو پڑیں
واضح رہے کہ ویڈیو کے آخر میں عامر خان والدین کو یہ پیغام بھی دیتے نظر آئے کہ بچوں کو ہر طرح کے خطرے سے آگاہ کرنے کے باوجود ان کی حفاظت کی ذمہ داری والدین کی ہے لہٰذا اپنے بچوں کے حوالے سے کبھی لاپرواہی نہ برتیں۔
Rt it That’s How To Teach Our Children Against Child Abuse #JusticeForZainab pic.twitter.com/7hHVideSKX
— RkAkGlobalfan (@DanishA25310538) January 11, 2018
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔