اماراتی سفیر نے بیوہ پھل فروش کو حیرت زدہ کردیا

 اسلام آباد: پاکستان میں تعینات متحدہ عرب امارات کے سفیر نے اسلام آباد میں پھل فروش بیوہ خاتون کی مدد کرکے اسے حیرت زدہ کردیا۔

چند روز قبل  خیبرپختونخوا یوتھ اسمبلی کے اسپیکر جلال شیرازی نے ٹوئٹر پر ایک تصاویر کے ساتھ ایک پوسٹ شیئر کی جس میں انہوں نے لکھا کہ ’اس خاتون کا نام یاسمین ہے اور اس کا شوہر انتقال کرچکا ہے، اس کی تین بیٹیاں اور ایک بیٹا ہے جو اسکول میں پڑھتے ہیں، بچوں کو پالنے کے لیے اس خاتون کے پاس پھل فروشی کے سوا کوئی راستہ نہیں ہے‘۔

She is Yasmeen.She has 3 daughters and a son studying in class 2 and her husband have died.As she had no option, she herself is struggling to feed her kids though this struggle is not easy.She has a small amount from which she gets everyday fruits which she sells make someprofit pic.twitter.com/LMXjU4hx6z

— Architect Jalal Sherazi (@jalalsherazi) January 6, 2018

سوشل میڈیا پر زیر گردش ٹوئٹ پر صارفین نے اظہار ہمدردری کرتے ہوئے خاتون کی مالی معاونت کا عزم کیا ساتھ ہی اسلام آباد میں واقع یو اے ای کے سفارت خانے نے بھی ٹوئٹ کا نوٹس لیا اور پاکستان میں تعینات اماراتی سفیر حماد الزعبی بغیر پروٹوکول کے ایک عام سے خریدار بن کر کے خاتون کے ٹھیلے پر پہنچ گئے اور فروٹ کی خریداری کی۔

HE @ALZAABI82 , Reacts to a tweet posted by @jalalsherazi, visits and supports the Pakistani woman Yasmin, who struggles and supports four school going children as her husband died, the lady sells fruits and struggles to feed her family.
A great example of Pakistani women pic.twitter.com/sXBl8TqOEU

— UAE Embassy PK (@uaeembassyisb) January 10, 2018

خاتون اس وقت خوشگوار حیرت میں مبتلا ہوگئی جب اسے بتایا گیا کہ یہ کوئی عام پاکستانی شخص نہیں بلکہ متحدہ عرب امارات کا سفیر ہے جو اظہاریکجہتی اور مدد کے لیے خصوصی طور پر آپ سے خریداری کے لیے آیا ہے۔

اماراتی سفیر نے خاتون پھل فروش کے ساتھ تصاویر بھی بنوائیں جو بعد ازاں یو اے ای سفارت خانے نے اپنے ٹوئٹر اکاؤنٹس پر شیئر کیں تو صارفین نے اس اقدام کو خوش کن قرار دیتے ہوئے اماراتی سفیر کی تعریف کی۔