- ملیر میں ڈکیتی مزاحمت پر خاتون قتل، شہریوں کے تشدد سے ڈاکو بھی ہلاک
- افغانستان میں طوفانی بارش سے ہلاکتوں کی تعداد 70 ہوگئی
- فوج نے جنرل (ر) فیض حمید کیخلاف الزامات پر انکوائری کمیٹی بنادی
- ٹی 20 ورلڈ کپ: ویرات کوہلی کو بھارتی اسکواڈ میں شامل کرنے کا فیصلہ
- کراچی میں ڈاکو راج؛ جماعت اسلامی کا ایس ایس پی آفسز پر احتجاج کا اعلان
- کراچی؛ سابق ایس ایچ او اور ہیڈ محرر 3 روزہ ریمانڈ پر پولیس کے حوالے
- شمالی وزیرستان میں پاک-افغان سرحد پر دراندازی کی کوشش کرنے والے7دہشت گرد ہلاک
- کیا یواے ای میں ریکارڈ توڑ بارش ’’کلاؤڈ سیڈنگ‘‘ کی وجہ سے ہوئی؟ حکام کی وضاحت
- اسلام آباد میں غیرملکی شہری کو گاڑی میں لوٹ لیا گیا
- بیلف اعظم سواتی کو ایف آئی اے سائبر کرائم سے برآمد کراکے پیش کرے، عدالت
- بلوچستان کے مختلف اضلاع میں طوفانی بارش کا سلسلہ جاری، ندی نالوں میں طغیانی
- قومی ٹیم میں تمام کھلاڑی پرفارمنس کی بنیاد پر آتے ہیں، بابراعظم
- فوج کی کسی شخصیت کا نام لینا اور ادارے کا نام لینا علیحدہ باتیں ہیں، بیرسٹر گوہر
- قائد اعظم یونیورسٹی شعبہ جاتی کارکردگی میں عالمی سطح پر بہترین جامعات میں شامل
- سابق ٹیسٹ کپتان سعید انور جعلی سوشل میڈیا اکاؤنٹ سے پریشان
- کنگنا رناوت کی بکواس کا جواب دینا ضروری نہیں سمجھتی؛ پریانکا گاندھی
- سائفر کیس میں وزارتِ خارجہ کے بجائے داخلہ مدعی کیوں بنی، چیف جسٹس اسلام آباد ہائیکورٹ
- اسٹاک مارکیٹ میں مندی کا رجحان، انڈیکس 70 ہزار 333 پوائنٹس پر بند
- 19 ویں صدی کے قلعہ سے 100 برس پُرانی برطانوی ٹرین کار دریافت
- وزن کم کرنیوالی ادویات اور خودکشی کے خیالات میں تعلق کے متعلق اہم انکشاف
ورلڈ کپ میں 500 دن باقی؛ آئی سی سی شائقین میں جوش بڑھانے لگی
دبئی: آئی سی سی ورلڈ کپ 2019 کیلیے شائقین میں جوش بڑھانے لگی، ایونٹ میں اب 500 دن باقی رہ گئے ہیں جب کہ شیڈول کا اعلان مارچ کے آخر میں ہوگا۔
ورلڈ کپ 2019 کے آغاز میں اب 500 دن باقی رہ گئے ہیں، اسی مناسب سے آئی سی سی نے ایک فہرست جاری کی جس میں موجود 7 بیٹسمینوں کو ایک میگا ایونٹ میں 500 یا زائد رنز بنانے کا اعزاز حاصل کیا، ان میں شامل سچن ٹنڈولکر نے 2 مرتبہ 1996 اور 2003 میں یہ سنگ میل عبور کیا،دیگر کھلاڑیوں میں میتھیو ہیڈن، مہیلا جے وردنے، مارٹن گپٹل، کمار سنگاکارا، رکی پونٹنگ اورتلکارتنے دلشان شامل ہیں۔
اس موقع پر آئی سی سی نے ٹکٹوں کی فروخت کا پروگرام بھی جاری کیا، ٹکٹ حاصل کرنے کے خواہشمند شائقین کو 30 اپریل تک آئی سی سی کی ویب سائٹ پر رجسٹریشن کی ہدایت دی گئی ہے۔ یکم مئی کو اس حوالے سے پہلی جبکہ اگلی عوامی قرعہ اندازی جولائی میں ہوگی، اس کے بعد ستمبر میں ٹکٹوں کی عام فروخت شروع ہوگی۔
واضح رہے کہ آئندہ برس شیڈول میگا ایونٹ کیلیے 8 ٹیموں کا پہلے ہی اعلان ہوچکا،ان میں میزبان انگلینڈ،دفاعی چیمپئن آسٹریلیا، پاکستان، بنگلادیش، بھارت، نیوزی لینڈ، جنوبی افریقہ اور سری لنکا شامل ہیں۔
رواں برس مارچ میں ہی شیڈول ورلڈ کپ کوالیفائرز سے دیگر2 ٹیموں کا انتخاب ہونا ہے، مارچ کے آخر میں تمام 48 میچز کے شیڈول اور ٹکٹوں کی قیمت کا اعلان کردیا جائے گا۔ ورلڈ کپ اگلے برس 30 مئی سے 14 جولائی تک ہوگا، یہ چوتھا موقع ہے جب انگلینڈ میگا ایونٹ کی میزبانی کرے گا۔
ٹورنامنٹ ڈائریکٹر اسٹیو ایلورتھی نے کہاکہ شوپیس ایونٹ کی ٹکٹوں کیلیے مانگ بہت زیادہ رہنے کی توقع ہے،اس لیے ابتدائی 2مراحل میں ٹکٹیں قرعہ اندازی کے ذریعے بکیں گی، پھر عام فروخت شروع کی جائے گی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔