- سینئر وزیر سندھ شرجیل میمن کی زیرصدارت محکمہ ٹرانسپورٹ کا اعلیٰ سطح اجلاس
- قومی ٹیم کی کوچنگ؛ جیسن گلیسپی اہم فیصلہ کرلیا
- پشاور؛ صوبائی وزیر و دیگر کے نام ای سی ایل سے نکالنے کیلیے حکومت سے جواب طلب
- سوئی ناردرن کی گیس قیمتوں میں اضافے پر وضاحت
- کراچی؛ اورنج اور گرین لائن کو جوڑنے کے لئے شٹل سروس شروع کرنے کا فیصلہ
- قادیانی شہری ضمانت کیس؛ علماء سے 2 ہفتے میں تحریری رائے طلب
- سویلین ٹرائلز؛ سپریم کورٹ کی فوجی عدالتوں کو محفوظ شدہ فیصلے سنانے کی مشروط اجازت
- ایف بی آر سے کرپشن کے خاتمے کیلیے خفیہ ایجنسی کو ٹاسک دیدیا گیا
- کاکول ٹریننگ کیمپ؛ اعظم خان 2 کلومیٹر ریس میں مشکلات کا شکار
- اسٹاک ایکسچینج؛ 100 انڈیکس ملکی تاریخ کی نئی بلند ترین سطح پر پہنچ گیا
- بجلی ایک ماہ کیلیے 5روپے فی یونٹ مہنگی کر دی گئی
- کھلاڑیوں کی ادائیگیوں کا معاملہ؛ بورڈ نے فیکا کے الزامات کو مسترد کردیا
- پی ٹی آئی (پی) کی مخصوص نشستوں کا معاملہ، الیکشن کمیشن حکام فوری ہائیکورٹ طلب
- حساس ادارے کے دفترکے گیٹ پرحملہ، پی ٹی آئی کارکنان دوبارہ زیرحراست
- اُم المومنین سیّدہ عائشہؓ کے فضائل و محاسن
- معرکۂ بدر میں نوجوانوں کا کردار
- غزوۂ بدر یوم ُالفرقان
- ملکہ ٔ کاشانۂ نبوتؐ
- آئی پی ایل2024؛ ممبئی انڈینز، سن رائزرز حیدرآباد کے میچ میں ریکارڈز کی برسات
- عورت ہی مجرم کیوں؟
بلائنڈ کرکٹ ورلڈ کپ؛ پاکستان اور سری لنکا آج سیمی فائنل میں آمنے سامنے
لاہور: پاکستان اور سری لنکا بلائنڈ کرکٹ ورلڈ کپ کے سیمی فائنل میں بدھ کو آمنے سامنے ہوں گے مقابلہ عجمان کے اوول کرکٹ گراؤنڈ پر کھیلا جائیگا۔
پانچویں بلائنڈ کرکٹ ورلڈ کپ کے سیمی فائنلز بدھ کو کھیلے جائیں گے، پاکستان اور سری لنکا بلائنڈ کرکٹ ورلڈ کپ کے سیمی فائنل میں بدھ کو آمنے سامنے ہوں گے جبکہ دوسرے سیمی فائنل میں بھارت اور بنگلہ دیش کا ٹاکرا ہو گا۔ ادھرکپتان نثار علی اور آل راؤنڈر ہارون خان آئی لینڈرز کو زیرکرنے کیلیے پرعزم ہیں، پلیئرز کا کہنا ہے کہ لیگ میچ میں بھی سری لنکن ٹیم کو ہرا چکے ہیں، ایک بار پھر فتح سمیٹ کر فائنل میں جگہ پکی کرنے کے لیے پراعتماد ہیں۔
پاکستان بلائنڈ کرکٹ کونسل حکام کے مطابق فائنل تک رسائی کا پہلا معرکہ پاکستان اور سری لنکا کے درمیان اوول کرکٹ گراؤنڈ عجمان میں ہوگا، پاکستان نے اب تک مجموعی طور پر5 میچز میں حصہ لیا، 4 میں کامیابی حاصل کی جبکہ ایک میچ میں ناکامی کا سامنا رہا۔ گرین شرٹس نے ابتدائی مقابلے میں بنگلہ دیش کو 9 وکٹوں سے شکست دی، دوسرے میچ میں بھی نیپال کو 9 وکٹوں سے ہرایا، آسٹریلیا کے خلاف ریکارڈ 394 سے فتح سمیٹی جبکہ سری لنکا کو159 رنز کے بڑے مارجن سے زیر کیا۔
پاکستانی ٹیم کو بھارت کے خلاف 7 وکٹوں سے ناکامی کا سامنا کرنا پڑا۔ سری لنکن ٹیم نے اپنے 5 لیگ میچز میں سے 3 میں کامیابی حاصل کی جبکہ 2 میں انھیں شکست سے دوچار ہونا پڑا، آئی لینڈرز نے آسٹریلیا کو303 رنز، نیپال کو 340 رنز جبکہ بنگلہ دیش کو 5 وکٹوں سے زیر کیا جبکہ بھارت اورپاکستان سے میچز میں شکست ہوئی، میگا ایونٹ کے دوسرے سیمی فائنل میچ میں بھارت کا مقابلہ بنگلہ دیش سے ایم سی سی گراؤنڈ پر ہو گا۔ میگا ایونٹ کا فائنل 20 جنوری کو شارجہ کرکٹ اسٹیڈیم میں کھیلا جائیگا۔
ادھر پاکستان بلائنڈ کرکٹ ٹیم کے کپتان نثار علی اور آل راؤنڈر ہارون خان سری لنکا کے خلاف سیمی فائنل مقابلہ جیتنے کے لیے پرعزم ہیں۔ میڈیا سے بات چیت میں قومی پلیئرز کا کہنا تھا کہ فائنل میں بھارت کے ساتھ کانٹے دار مقابلے کی توقع ہے امید ہے کہ فائنل میں بھارت کو شکست سے دوچار کریں گے اور ٹائٹل جیت کر پاکستان لوٹیں گے، انھوں نے کہا کہ ایونٹ میں کھلاڑیوں نے شاندارکارکردگی کا مظاہرہ کیا ہے اور لیگ میچز میں بھی سری لنکا کو آسانی سے ہرایا ہے۔ سری لنکا کے خلاف سیمی فائنل میں قومی ٹیم عمدہ کارکردگی کا مظاہرہ کرکے کامیابی حاصل کرکے فائنل تک رسائی حاصل کرے گی۔
انھوں نے کہا کہ دوسرے سیمی فائنل میں بنگلہ دیش کیخلاف بھارت کے جیتنے کے کافی چانسز ہیں۔ ایونٹ کا فائنل پاکستان اور بھارت کی ٹیموں کے درمیان متوقع ہے۔ ورلڈ کپ کے لیگ میچ میں بھارت نے ہمیں شکست سے دوچار کیا تھا لیکن اس میچ میں ہمارے اہم کھلاڑی شامل نہیں تھے تاہم اب ہمارے تمام کھلاڑی یہاں پر موجود ہیں اور بھارت کے خلاف فائنل جیتنے کیلیے بے تاب ہے۔ انھوں نے کہا کہ شارجہ میں ہونیوالے فائنل میں پاکستان کامیابی حاصل کریگا اورکھلاڑی ٹائٹل جیت کر وطن واپس لوٹیں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔