ایک دوسرے کو چور کہنے والوں کے اصل ارادے بےنقاب ہوگئے، سعد رفیق

 اسلام آباد: وزیر ریلوے خواجہ سعد رفیق کا کہنا ہے کہ ایک دوسرے کو چور کہنے والوں کے اصل ارادے بےنقاب ہوچکے ہیں۔

سماجی رابطے کی سائٹ ٹوئٹر پر وزیر ریلوے خواجہ سعد رفیق کا کہنا تھا کہ دنیا نے دیکھ لیا کہ ایک دوسرے کو چور کہنے والے اکٹھے کیسے ہوگئے، ان کے اصل ارادے بھی بے نقاب ہو چکے ہیں۔

ایک دوسرے کو چور کہنے والے اکٹھے کیسے ہوگئے۔ دنیا نے دیکھ لیا۔ اور انکے اصل ارادے بھی بےنقاب ہو چکے ہیں۔

— Khawaja Saad Rafique (@KhSaad_Rafique) January 17, 2018

واضح رہے کہ لاہور میں پاکستان عوامی تحریک کے سربراہ طاہر القادری کی قیادت میں متحدہ اپوزیشن کی جانب سے حکومت کے خلاف پاور شو کا مظاہرہ کیا جارہا ہے، جس میں چیرمین پی ٹی آئی عمران خان اور سابق صدر آصف زرداری بھی شرکت کریں گے، پی ٹی آئی ترجمان کا کہنا ہے کہ عمران خان اور آصف زرداری الگ الگ سیشن سے خطاب کریں گے جب کہ طاہر القادری کا کہنا ہے کہ چیرمین پی ٹی آئی اور شریک چیرمین پی پی پی ایک ہی اسٹیج سے خطاب کریں گے۔