- ویسٹ انڈیز ویمن ٹیم کا پاکستان کو ون ڈے سیریز میں وائٹ واش
- کراچی میں ایرانی خاتون اول کی کتاب کی رونمائی، تقریب میں آصفہ بھٹو کی بھی شرکت
- پختونخوا سے پنجاب میں داخل ہونے والے دو دہشت گرد سی ٹی ڈی سے مقابلے میں ہلاک
- پاکستان میں مذہبی سیاحت کے وسیع امکانات موجود ہیں، آصف زرداری
- دنیا کی کوئی بھی طاقت پاک ایران تاریخی تعلقات کو متاثر نہیں کرسکتی، ایرانی صدر
- خیبرپختونخوا میں بلدیاتی نمائندوں کا اختیارات نہ ملنے پراحتجاج کا اعلان
- پشین؛ سیکیورٹی فورسز کی کارروائی میں3 دہشت گرد ہلاک، ایک زخمی حالت میں گرفتار
- لاپتہ کرنے والوں کا تعین بہت مشکل ہے، وزیراعلیٰ بلوچستان
- سائفر کیس میں بانی پی ٹی آئی کو سزا سنانے والے جج کے تبادلے کی سفارش
- فافن کی ضمنی انتخابات پر رپورٹ،‘ووٹوں کی گنتی بڑی حد تک مناسب طریقہ کار پر تھی’
- بلوچستان کے علاقے نانی مندر میں نایاب فارسی تیندوا دیکھا گیا
- اسلام آباد ہائیکورٹ کا عدالتی امور میں مداخلت پر ادارہ جاتی ردعمل دینے کا فیصلہ
- عوام کو ٹیکسز دینے پڑیں گے، اب اس کے بغیر گزارہ نہیں، وفاقی وزیرخزانہ
- امریکا نے ایران کیساتھ تجارتی معاہدے کرنے والوں کو خبردار کردیا
- قومی اسمبلی میں دوران اجلاس بجلی کا بریک ڈاؤن، ایوان تاریکی میں ڈوب گیا
- سوئی سدرن کے ہزاروں ملازمین کو ریگولرائز کرنے سے متعلق درخواستیں مسترد
- بہیمانہ قتل؛ بی جے پی رہنما کے بیٹے نے والدین اور بھائی کی سپاری دی تھی
- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
بینک ود ہولڈنگ ٹیکس کاروباری ڈپازٹس میں رکاوٹ بن گیا
کراچی: بینکوں سے لین دین پر ودہولڈنگ ٹیکس کے نفاذ کی وجہ سے بینکوں کے ڈپازٹس کی شرح نمو میں نمایاں کمی ہورہی ہے۔
اسٹیٹ بینک آف پاکستان کے اعدادوشمار کے مطابق جولائی تا دسمبر 2017کے دوران نجی ڈپازٹس میں ہونے والا اضافہ 2016کی اسی مدت سے 194ارب روپے کم رہا۔ اعدادوشمار کے مطابق جولائی تا دسمبر 2017 بینکوں میں نجی ڈپازٹس کی شرح نمو 1فیصد سے بھی کم رہی، جولائی تا دسمبر 2016 میں نجی ڈپازٹس کی شرح نمو 9 فیصد رہی تھی۔
گزشتہ 6 ماہ کے دوران نجی ڈپازٹس کی مالیت میں 28ارب 73کروڑ روپے کا اضافہ ہوا جبکہ سال 2016 کی پہلی ششماہی کے دوران بینکوں کے نجی ڈپازٹس میں 223ارب روپے کا اضافہ ہوا تھا۔ اعدادوشمار کے مطابق دسمبر 2017 تک ملک میں بینکوں کے مجموعی ڈپازٹس کی مالیت 11.81ٹریلین روپے ریکارڈ کی گئی جو دسمبر 2016کے اختتام پر 10.73ٹریلین روپے رہی تھی، مالی سال 2017کی پہلی ششماہی میں بینکوں کے ڈپازٹس میں مجموعی طور پر 345ارب 68کروڑ روپے کا اضافہ ہوا، سال 2016کی پہلی ششماہی کے دوران ڈپازٹس کی مجموعی مالیت میں 683ارب 45کروڑ روپے کا اضافہ ہوا تھا، مجموعی ڈپازٹس میں نجی (کاروباری) ڈپازٹس کا تناسب مالی سال 2016میں 25.84فیصد تھی جو مالی سال 2017میں کم ہوکر 24.63فیصد رہ گیا۔
بینکوں سے 50ہزار روپے سے زائد کی نقد رقوم نکلوانے یا چیک سے ادائیگی پر ودہولڈنگ ٹیکس کا نفاذ بینک ڈپازٹس میں کمی کا سبب بن رہا ہے جب کہ عوام اور تاجر طبقہ لین دین کے لیے بڑی مالیت کے بانڈز اور غیرملکی کرنسی کو ترجیح دے رہے ہیں۔
واضح رہے کہ اسٹیٹ بینک آف پاکستان بھی مالی سال 2017کی سالانہ رپورٹ میں بینکوں سے لین دین پر ودہولڈنگ ٹیکس کے نفاذ کو ٹیکس نیٹ بڑھانے اور ٹیکس گزاروں کی تعداد بڑھانے کے مقصد میں ناکام تجربہ قرار دے چکا۔
مرکزی بینک نے رپورٹ میں کہا کہ بینک ودہولڈنگ سے ٹیکس وصولیوں میں برائے نام اضافہ ہوا، ٹیکس گزاروں کی تعداد بھی خاطر خواہ نہ بڑھ سکی، اس کے برعکس یہ ٹیکس بینکوں سے نقدنکلوانے اور لین دین میں کمی کا سبب بن رہا ہے جس سے زیرگردش کرنسی کی مالیت میں اضافہ ہورہا ہے۔
یاد رہے کہ مرکزی بینک نے اپنے جائزے کو جواز بنا کر چیک اور دیگر نان کیش بینکنگ ٹرانزیکشن پر ودہولڈنگ کے نفاذ پر نظرثانی کی بھی سفارش کی تھی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔