- امریکی یونیورسٹیز میں ہونے والے مظاہروں پر اسرائیلی وزیراعظم کی چیخیں نکل گئیں
- پولیس یونیفارم پہننے پر مریم نواز کیخلاف کارروائی ہونی چاہیے، یاسمین راشد
- قصور ویڈیو اسکینڈل میں سزا پانے والے 2 ملزمان بری کردیے گئے
- سپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا
- مرغی کی قیمت میں کمی کیلیے اقدامات کر رہے ہیں، وزیر خوراک پنجاب
- عوام کو کچھ نہیں مل رہا، سارا پیسہ سرکاری تنخواہوں میں دیتے رہیں گے؟ چیف جسٹس
- وزیراعلیٰ پنجاب مریم نواز شریف نے پولیس وردی پہن لی
- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
- قومی اسمبلی کمیٹیاں؛ حکومت اور اپوزیشن میں پاور شیئرنگ کا فریم ورک تیار
- ٹرین میں تاریں کاٹ کر تانبہ چوری کرنے والا شخص پکڑا گیا
- غزہ کے اسپتالوں میں اجتماعی قبریں، امریکا نے اسرائیل سے جواب طلب کرلیا
- وزارتِ صنعت و پیداوار نے یوریا کھاد درآمد کرنے کی سفارش کردی
- ٹی20 ورلڈکپ؛ 8 بار کے اولمپک گولڈ میڈلسٹ یوسین بولٹ سفیر نامزد
- کہوٹہ؛ بس میں ڈکیتی کے دوران ڈاکو کی فائرنگ سے سرکاری اہلکار جاں بحق
- نوجوان نسل قوم کا سرمایہ
- اسلام آباد میں روٹی کی قیمت میں کمی کا نوٹیفکیشن معطل
- کیا رضوان آئرلینڈ کیخلاف سیریز میں اسکواڈ کا حصہ ہوں گے؟ بابر نے بتادیا
- ویمنز کوالیفائر؛ آئی سی سی نے ثنامیر کو ’’برانڈ ایمبیسڈر‘‘ مقرر کردیا
- پی او بی ٹرسٹ عالمی سطح پر ساڑھے 3لاکھ افراد کی بینائی ضائع ہونے سے بچا چکا ہے
- ایف بی آر نے ایک آئی ٹی کمپنی کی ٹیکس ہیرا پھیری کا سراغ لگا لیا
پانچواں ون ڈے؛ نیوزی لینڈ نے پاکستان کو شکست دیکر سیریز میں وائٹ واش کردیا
ویلنگٹن: نیوزی لینڈ نے پانچویں ایک روزہ میچ میں بھی پاکستان کو شکست دیکر سیریز میں وائٹ واش کردیا۔
پاکستان اور نیوزی لینڈ کے درمیان ویلنگٹن کے بیسن ریزرو کرکٹ گراؤنڈ میں کھیلے گئے پانچ ایک روزہ میچوں کی سیریز کے آخری میچ میں نیوزی لینڈ نے قومی ٹیم کو 15 رنز سے شکست دیکر سیریز میں وائٹ واش کردیا۔
نیوزی لینڈ نے پہلے بیٹنگ کرتے ہوئے مقررہ اوورز میں 7 وکٹوں کے نقصان پر 271 رنز بنائے، پاکستان کی جانب سے اننگز کا آغاز فخر زمان اور عمر امین نے کیا، ہمیشہ کی طرح ایک بار پھر اوپنرز خاص کارکردگی کا مظاہرہ نہ کرسکے اور 19 کے مجموعی اسکور پر اوپننگ کے لیے آنے والے دونوں کھلاڑی عمر امین اور فخرزمان آؤٹ ہوکر پویلین واپس لوٹ گئے، ون ڈاؤن آنے والے کھلاڑی بابر اعظم بھی صرف 10 رنز بناکر 31 کے مجموعی اسکور پر آؤٹ ہوگئے۔
اس خبر کو بھی پڑھیں : چوتھے ون ڈے میں نیوزی لینڈ نے پاکستان کو 5 وکٹوں سے شکست دیدی
57 کے مجموعی اسکور پر پاکستان کی آدھی ٹیم پویلین لوٹ گئی، محمد حفیظ 6 جب کہ کپتان سرفراز احمد صرف 3 رنز بنانے کے بعد اپنی وکٹ گنوا بیٹھے، پاکستان کی جانب سے حارث سہیل اور شاداب خان نے 105 رنز کی شراکت قائم کی اور ٹیم کا اسکور آگے بڑھایا تاہم حارث سہیل 162 کے مجموعی اسکور پر 63 اور شاداب خان 54 رنز بناکر آؤٹ ہوگئے۔ 171 رنز پر 7 وکٹیں گرنے کے بعد پاکستان کا کوئی بھی کھلاڑی زیادہ دیر تک وکٹ پر کھڑا نہ رہ سکا اور پوری ٹیم 49 اوورز میں 256 رنز بناکر آؤٹ ہوگئی۔
اس خبر کو بھی پڑھیں : نیوزی لینڈ نے تیسرے ون ڈے میں پاکستان کو 183 رنزسے ہرا دیا
اس سے قبل نیوزی لینڈ نے پاکستان کے خلاف ٹاس جیت کر پہلے بیٹنگ کرتے ہوئے مقررہ 50 اوورز میں 7 وکٹوں کے نقصان پر 271 رنز بنائے، اوپنر مارٹن گپٹل نے سنچری اسکور کی اور 100 رنز بنا کر رومان رئیس کا شکار بنے، روس ٹیلر نے بھی نصف سنچری بنائی اور 59 رنز پر فہیم اشرف کی گیند پر آؤٹ ہوگئے۔ اس کے علاوہ رومان رئیس نے کولن منرو کو 34 اور ہنری نکولس کو 1 رن پر آؤٹ کیا، عامر یامین نے کیوی کپتان کین ولیمسن کو 22 رنز پر آؤٹ کیا۔ فہیم اشرف نے ٹام لیتھم کو 2 رنز پر آؤٹ کرکے دوسری وکٹ اپنے نام کی جب کہ مچل سینٹنر 1 رن بنا کر رن آؤٹ ہوئے۔ پاکستان کی جانب سے رومان رئیس نے 3، فہیم اشرف نے 2 اور عامر یامین نے ایک وکٹ حاصل کی۔
پانچ ایک روزہ میچوں کی سیریز کے پہلے میچ میں نیوزی لینڈ نے ڈک ورتھ لوئس قانون کے تحت پاکستان کو 61 رنز اور دوسرے میچ میں 8 وکٹوں سے شکست دی تھی، تیسرے میچ میں قومی ٹیم کو 183 رنز کے بڑے مارجن سے شکست کا سامنا کرنا پڑا جب کہ سیریز کے چوتھے میچ میں نیوزی لینڈ نے پاکستان کو 5 وکٹوں سے شکست دی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔