انڈر 19 ورلڈ کپ؛ پاکستان کی سری لنکا کو ہرا کر کوارٹر فائنل میں رسائی

اسپورٹس ڈیسک  جمعـء 19 جنوری 2018
59 رنز بنانے والے علی زریاب آصف مین آف دی میچ قرار پائے۔ فوٹو : فائل

59 رنز بنانے والے علی زریاب آصف مین آف دی میچ قرار پائے۔ فوٹو : فائل

وانگیری: انڈر 19 کرکٹ ورلڈ کپ میں پاکستان نے سری لنکا کو 3 وکٹوں سے شکست دے کر کوارٹر فائنل میں رسائی حاصل کرلی۔

پاکستان نے ٹاس جیت کر پہلے سری لنکا کو بیٹنگ کی دعوت دی، آئی لینڈرز کی پوری ٹیم 48.2 اوورز میں 188 رنز بنا کر پویلین لوٹ گئی، جیہان دانیال 53 رنز کے ساتھ ٹاپ اسکورر رہے، ایشن بندارا نے 37 رنز بنائے۔ سلیمان شفقات نے 3، شاہین شاہ آفریدی نے 2 جب کہ ارشد اقبال، محمد زید عالم اور حسان خان نے ایک ایک کھلاڑی کو آﺅٹ کیا۔

 

اس خبر کو بھی پڑھیں : انڈر 19 ورلڈ کپ؛ پاکستان نے نمیبیا پر ہاتھ صاف کرلیا

گرین شرٹس نے 189 رنز کا ہدف 43.3 اوورز میں 7 وکٹوں کے نقصان پر حاصل کر لیا، علی زریاب آصف 59 رنز کے ساتھ ٹاپ اسکورر رہے، محمد زید عالم 28 اور محمد طہ 24 رنز بنا کر آﺅٹ ہوئے، کپتان حسن خان 24 اور محمد موسیٰ 23 رنز پر ناقابل شکست رہے۔ سری لنکا کے تھسارو رشمیکا نے 3، نیپون مالنگا، دھنن جیا لکشن، پراوین جیاوکراما اور سنتوش گوناتھلاکا نے ایک ایک وکٹ حاصل کی۔ علی زریاب مین آف دی میچ قرار پائے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔