غیرملکی ماڈل کے ساتھ کسٹم حکام کی سیلفیوں پر سوشل میڈیا صارفین برہم

چند روز قبل لاہور کے علامہ اقبال انٹرنیشنل ایئر پورٹ پر  متحدہ عرب امارات جانے والی غیر ملکی دوشیزہ 9 کلو گرام ہیروئن اسمگل کرتے ہوئے پکڑی گئی تھی۔

گرفتار ہونے والی 21 سالہ دوشیزہ کا نام ٹیریزا ہے جب کہ اس کا تعلق یورپی ملک جمہوریہ چیک ری پبلک سے ہے، ٹیریزا کے سامان سے برآمد ہونے والی ہیروئن کی مالیت 15 کروڑ روپے ہے اوروہ گزشتہ 10 روز سے کسٹم حکام کی حراست میں ہے تاہم سوشل میڈیا پر جاری ہونے والی تصاویر سے لگتا نہیں کہ ٹیریزا زیر حراست ہے بلکہ کسٹم اہلکاروں کی جانب سے اس کے ساتھ کسی وی آئی پی مہمان کی طرح سلوک کیا جارہا ہے۔ ٹیریزا اور کسٹم حکام کی چند روز قبل سوشل میڈیا پر وائرل ہونے والی تصایر نے کسٹم اہلکاروں کی کارروائی کا پول کھول کررکھدیا۔

اس خبرکوبھی پڑھیں:غیرملکی دوشیزہ سے 9 کلو ہیروئن برآمد

تصویر میں ٹیریزا اہلکاروں کے ساتھ بالکل کسی اداکارہ کی طرح پوز دے رہی ہے اس تصویر کو دیکھ کر سوشل میڈیاصارفین کی جانب سے کسٹم اہلکاروں پر شدید تنقید کی جارہی ہے جب کہ کسٹم کے ادارے کی کارکردگی پر بھی کئی سوال اٹھائے جارہے ہیں۔

ایک صارف نے فیس بک پر یورپی دوشیزہ کو ملنے والے وی آئی پی پروٹوکول پر طنز کرتے ہوئے کہا کتنی عزت مل رہی ہے اس ہیروئن کو ایسا لگ رہا ہے کہ یوکرین کی وزیر آئی ہے کسٹم ڈیپارٹمنٹ کا دورہ کرنے۔

ایک اور صارف نے کہا جمہوریہ چیک کی خوبصورت خاتون جو کہ پیشے کے لحاظ سے ماڈل بھی ہے پاکستانی ایئرپورٹ پر 9 کلو گرام ہیروئن اسمگل کرتے ہوئے پکڑی گئی اور ہماری قانون نافذ کرنے والی 3 ایجنسیاں آپس میں اس بات پر لڑ رہی ہیں کہ اس کیس کی تفتیش انہیں سونپی جائے۔

ایک اور صارف نے  بالکل یہی بات کی۔

Airport security authorities fighting to get custody of Czech model caught for smuggling

— Sani Rajput (@SaniRajput) January 15, 2018

ایک اور صارف نے ٹیریزا کی تصویر شیئر کرتے ہوئے کہا دراصل یہاں زیر حراست کون ہے؟ ان کے کہنے کا مطلب ہے کہ گرفتار اصل میں یہ غیر ملکی خاتون ہے یا کسٹم اہلکار۔

Who exactly is under arrest here? pic.twitter.com/wWki5z4yyN

— Daaniyal (@Le_Sabre54) January 15, 2018

ایک صارف نے کسٹم اہلکاروں پر تنقید کرتے ہوئے کہا کہ کسٹم آفیسرز اس وقت چیک ماڈل کے ساتھ تصاویر لینے میں مصروف ہیں۔

ایک صارف نے کہا ہیروئن اسمگل کرنے والی چیک خاتون کے پیچھے سب کیسے پاگل ہوگئے ہیں۔

Czech model k peechey kesey pagal huey parey hain and she was smuggling heroine. I mean, desperation runs in our country or what?

— Moiz (@moiz_95) January 15, 2018

ایک صارف نے احتساب پر طنز کرتے ہوئے کہا 9 کلوگرام ہیروئن اسمگل کرنے والی چیک ماڈل کی کسٹم اہلکاروں کے ساتھ گروپ فوٹو۔

#Accountability at its very best …9 kg heroine smuggle krne wali Czech Model ki Custom walon k sath group photo pic.twitter.com/1mY5EVpudl

— Afaq Shafiq (@AfaqShafiq) January 14, 2018

ایک صارف نے تصاویر ٹوئٹ کرتے ہوئے لکھا چیک ری پبلک کی 21 سالہ خاتون کے پاس سے 9 کلو گرام کوکین برآمد ہوئی ہے، تین ڈیپارٹمنٹ اس کیس کی تفتیش کرنے کے لیے آپس میں لڑ رہے ہیں اور اسے جیل میں ڈالنے کے بجائے اس کے ساتھ سیلفی لے رہے ہیں۔

9 kg cocain recovered from Czech Republic 21 years old model and 3 Pakistani department r fighting each other for investigation from her and making selfies rather to put her in jail. @Engr_Naveed111 pic.twitter.com/p0OB0JvUCa

— Umair Shah (@omairshah) January 15, 2018

ایک اور صارف نے یہی بات لکھتے ہوئے کہا یہ ہے ہماری قوم کی ذہنیت۔

As per this report, Pakistani departments ‘fight’ over investigation rights of this Czech model arrested for smuggling 9 kilo heroine. Ye hai qaum ki mentality. pic.twitter.com/vKnNYYHp00

— Saleem Javed (@mSaleemJaved) January 14, 2018