ہیری پوٹر سیریز کی اداکارہ کا مومی مجسمہ مادام تساؤ میں سجادیا گیا

لندن: ہیری پوٹر سیریز سے شہرت کی بلندیاں چھونے والی اداکارہ ایما واٹسن کا مومی مجسمہ مادام تساؤ کے عجائب گھر میں سجا دیا گیا۔

 22 سالہ برطانوی اداکارہ ایما واٹسن کا مجسمہ ماہر کاریگروں نے 4 ماہ کے عرصے میں تیار کیا ہے۔ لندن کے مادام تساؤ میوزیم میں نمائش کے لئے پیش کئے گئے ان کے مجسمے کو دیکھنے بڑی تعداد میں لوگ آرہے ہیں۔

واضح رہے کہ ایما واٹسن نے ہالی ووڈ کی کامیاب ترین سیریز ہیری پوٹر سے فلمی دنیا میں قدم رکھا، ایما کئی فلموں میں اداکاری کے علاوہ لاتعداد ماڈلنگ شوٹس بھی کرچکی ہیں۔