- ویسٹ انڈیز ویمن ٹیم کا پاکستان کو ون ڈے سیریز میں وائٹ واش
- کراچی میں ایرانی خاتون اول کی کتاب کی رونمائی، تقریب میں آصفہ بھٹو کی بھی شرکت
- پختونخوا سے پنجاب میں داخل ہونے والے دو دہشت گرد سی ٹی ڈی سے مقابلے میں ہلاک
- پاکستان میں مذہبی سیاحت کے وسیع امکانات موجود ہیں، آصف زرداری
- دنیا کی کوئی بھی طاقت پاک ایران تاریخی تعلقات کو متاثر نہیں کرسکتی، ایرانی صدر
- خیبرپختونخوا میں بلدیاتی نمائندوں کا اختیارات نہ ملنے پراحتجاج کا اعلان
- پشین؛ سیکیورٹی فورسز کی کارروائی میں3 دہشت گرد ہلاک، ایک زخمی حالت میں گرفتار
- لاپتہ کرنے والوں کا تعین بہت مشکل ہے، وزیراعلیٰ بلوچستان
- سائفر کیس میں بانی پی ٹی آئی کو سزا سنانے والے جج کے تبادلے کی سفارش
- فافن کی ضمنی انتخابات پر رپورٹ،‘ووٹوں کی گنتی بڑی حد تک مناسب طریقہ کار پر تھی’
- بلوچستان کے علاقے نانی مندر میں نایاب فارسی تیندوا دیکھا گیا
- اسلام آباد ہائیکورٹ کا عدالتی امور میں مداخلت پر ادارہ جاتی ردعمل دینے کا فیصلہ
- عوام کو ٹیکسز دینے پڑیں گے، اب اس کے بغیر گزارہ نہیں، وفاقی وزیرخزانہ
- امریکا نے ایران کیساتھ تجارتی معاہدے کرنے والوں کو خبردار کردیا
- قومی اسمبلی میں دوران اجلاس بجلی کا بریک ڈاؤن، ایوان تاریکی میں ڈوب گیا
- سوئی سدرن کے ہزاروں ملازمین کو ریگولرائز کرنے سے متعلق درخواستیں مسترد
- بہیمانہ قتل؛ بی جے پی رہنما کے بیٹے نے والدین اور بھائی کی سپاری دی تھی
- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
سعودی عرب یا فوج کی حمایت سے پاکستان نہیں آیا، پرویز مشرف
کراچی: آل پاکستان مسلم لیگ کے صدر پرویز مشرف نے کہا ہے کہ وہ سعودی عرب یا فوج کی حمایت سے پاکستان نہیں آئے، ان کی جماعت کراچی سمیت ملک بھر سے انتخابات میں حصہ لےگی۔
کراچی میں پریس کانفرنس کرتے ہوئے سابق صدر پرویز مشرف کا کہنا تھا کہ پاکستان میں حکومت صدر نہیں وزیر اعظم چلاتا ہے جبکہ صوبوں میں وزیر اعلیٰ چیف ایگزیکٹیو ہوتے ہیں جن کے تحت مختلف وزارتیں اور سرکاری اہلکار ہوتے ہیں۔ وزیر اعظم کی جانب سے بحیثیت صدر میرے پاس چیف جسٹس افتخارمحمد چوہدری کے خلاف ریفرنس آیا تھا جسے انہوں نے آئین کے مطابق سپریم جوڈیشل کونسل میں بھجوا دیا تھا، اس میں ان کا کوئی کردار نہیں تھا، نہ ہی انہوں ججوں کو ان کے گھروں میں نظر بند کیا تھا۔ اکبر بگٹی نے بھی حکومت کی رٹ کو چیلنج کیا تھا جس کے خلاف آپریشن کا فیصلہ بھی انتظامیہ نے کیا تھا اس میں ان کا کوئی کردار نہیں تھا اور نہ ہی وہ 12 مئی کے واقعات میں ملوث ہیں۔ انہوں نے کہا کہ ڈاکٹر عافیہ صدیقی کو انہوں نے امریکا کے حوالے نہیں کیا جس نے یہ کام کیا وہ پاکستان کا غدار ہے۔
سابق صدر کا کہنا تھا کہ انہوں نے اپنے دور اقتدار میں ملک میں معاشی اور اقتصادی استحکام کے لئے کام کیا۔ جو پاکستان اور کراچی وہ چھوڑ کر گئے تھے نجانے کہاں کھو گیا ہے۔ وہ اپنی جان کو خطرے میں ڈال کر عوام کی خاطر پاکستان آئے ہیں۔اس کے لئے انہیں سعودی حکومت یا فوج کی حمایت کی ضرورت نہیں، انہوں نے کبھی کسی نے کچھ نہیں مانگا لیکن اگر کوئی ان کے لئے کچھ کرتا ہے تو وہ اس کا ذاتی فعل ہے۔ ایم کیو ایم سے ان کے تعلقات بہت پرانے ہیں۔ وہ کراچی سمیت ملک بھر سے انتخابات میں حصہ لیں گے تاہم ابھی یہ واضح نہیں کہ ان کی حمایت کون کون سی سیاسی جماعتیں کریں گی نہ ہی وہ یہ دعویٰ کرسکتے ہیں کہ انہیں کتنی نشستوں سے کامیابی ملے گی۔
پرویزمشرف نے کہا کہ کارگل میں پاک فوج نے بھارت کو شدید نقصان پہنچایا اور یہ ملکی تاریخ میں پہلی بار ہوا اور ہمیں اس پر فخر ہونا چاہئے لیکن بدقسمتی سے اس فتح کو سیاسی میدان میں ہار میں بدل دیا گیا۔ انہوں نے کہا کہ ملک میں کونسی ایسی جماعت نہیں جس میں کچھ اختلافات نہ ہوں ان کی جماعت میں بھی کچھ معاملات پر لوگوں کے اختلاف ہیں لیکن اب وہ پاکستان میں ہیں اور پارٹی کے تمام معاملات کو جلد ہی حل کرلیں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔